قصه مشوقه ل دعاء احمد الفصل الاخير

غنوة:بتضحك على ايه؟

سلطاڼ:اقولك الصراحه كان عندي ثقة انك هتقولي كدا.... من قبل ما نيجي اصلا... مش قلتلك ان انا و انتي زي السمك يا غنوة منعرفش نعيش برا المياة....

غنوة بابتسامة:على فكرة لما لابست الفستان دا افتكرت يوم فرحنا... بس تعرف النهاردة حقيقي كان أجمل من فرحنا....علشان و انت ماسك ايدي حسيت فعلا أنك مش عايز تسيبها... حسيت ان دا فرحنا فعلا... و أنا بنتمشى في المكان... و انت معايا في كل لحظة حسيت اني غالية

سلطاڼ:من زمان با غنوة.... صحيح انتي ليه ملبستيش العقد اللي بعتهولك معجبكيش...

غنوة:لا ابدا دا كان جميل بس أنا حابة السلسلة دي...

سلطاڼ باستغراب:اشمعني يعني مع ان تصميمها شكله قديم شوية

غنوة:اه فعلا بس حبيتها لما اشتريتها... فكرتني بماما أصلها كان عندها سلسلة زي دي و بابا اخدها مني فجبت دي.

سلطاڼ سكت للحظات و بعدها اتكلم :خلاص ايه رأيك بكراً ننزل نجيب ليهم هدايا و نحجز طيارتنا بعد بكرا

غنوة:موافقة جداً...
بعد كم يوم....
غنوة و سلطاڼ كانوا رجعوا مصر، سلطاڼ نزل الشغل و هي كانت مع سارة طول الوقت بيجهزوا لفرح سارة و غنوة تختار معها كل حاجة تقريباً.

في بيت أحمد البدري" قبل الفرح بيومين "

سارة بجدية و توتر :بس انتي مشغولة معايا طول الوقت يا غنوة لازم ننزل نجيب فستان ليكي أنتى معايا من أول امبارح من وقت ما جيتي من المطار و كمان كنتي بايته هنا... و أنا نسيت خالص.

غنوة بابتسامة:اهدي يا بنتي.... مالك متسربعة على ايه؟ و بعدين أنا نسيت اقولك أني اصلا جايبة فستان للفرح من باريس... و بصراحة كانت فكرة اخوكي قال بدل ما ننزل مصر و نقعد نلف لسه و احنا بنجيب الهدايا لفينا شوية على الاتيلايهات و جبت فستان للفرح... و كان في العربية بتاعت سلطاڼ ف هو وداه على الشقة بعد ما جبني هنا...

سارة :اه قولتيلي يعني فستانك جايبه من باريس... شكلك ناوية ټخطفي مني الأجواء في الفرح...

غنوة ضحكت ڠصب عنها من نظرات سارة
:يا ستي انتي الخير و البركة و بعدين أنتي عارفة أنا مش بحب أظهر كتير يعني هبقي طول الوقت على التربيزة بتاعتي...

سارة حطت ايدها على ۏسطها بضيق
:و الله؟ يعني مش هلاقي حد يرقص معايا... ما هو اكيد مصطفى مش هيفضل معايا و هيروح يرقص مع صحابه... و طبعا بنات العيلة كلهم هيبقوا معايا بس الصراحة انا مش هبقي مرتاحة الا و انتي و حسناء معايا... على فكرة هي جاية كمان شوية عايزين نحن قلبها على فريد هم اتصلحوا بس برضو عايزين نلطف الجو

غنوة:مټقلقيش انا كلمتها اصلا الصبح بدري و قعدت احكي معها... هي كانت زعلانه من فريد و زعلانه أنها حاسة أنه مش بيحبها لكن و أخيراً
سي فريد فهم أنه مش مڠصوب عليها و ان حتى لو اتغصب في الأول ف هو دلوقتي خلاص بقت مراته.... لكن بصراحة عجبني أنه اغير شويه يعني لما سلطاڼ قالي ان فريد ڠيران عليها حسيت كدا ان اخوكي مش لوح اوي..

سارة:متقوليش على فريد كدا...