قصه مشوقه ل دعاء احمد الفصل الاخير
غنوة:بقا كدا؟! ماشي يا ست سارة ما هو دلعكم دا اللي مبوظه انا هطلع اشوف مامتك بتعمل ايه بدل الرغي اللي مالوش لاژمة دا...
غنوة خرجت، كان في ناس من قرايبهم، نعيمة لما شافت غنوة ابتسمت و نادت لها تقعد معاهم....
كانوا مشغولين طول الوقت تقريباً، حسناء و غنوة كانوا مع سارة و بيباتوا كلهم في نفس البيت و فريد و سلطاڼ بيناموا في اوضة فريد القديمة...و الاتنين مكنوش طايقين بعض ..و كل واحد عايز ياخد مراته و يرجع شقته...
في أوضة سارة
سارة كانت نايمة و غنوة قاعدة مع حسناء بيشربوا شاي
غنوة:بكرا يوم طويل...
حسناء بابتسامة:بس هيكون حلو يا غنوة... أنتي عارفة أنا يوم فرحي دا عمري ما هنساه... صحيح أنا جهزت كل حاجة لينا علشان لما نروح البيوت سنتر بكرا يعني الفستان بتاعي و پتاعك... هنزلهم الصبح في عربية سلطاڼ
و بما ان اليوم كله هيبقى في البيوت سنتر ف أنا هبقي اشتري أكل علشان سارة مش هتعرف تاكل الا بليل بعد الفرح... و كمان حطيت مكياج من عندي حلو اوي
غنوة:انتي مش هتخلي البنت هناك تعملك الميكب و لا هتعملي لنفسك؟
حسناء:لا هعمل لنفسي أنا شاطرة في الميكب اوي على فكرة و كمان علشان مش بحب الافوره ف بحطت لنفسي... و هحطلك
غنوة:لا انا مش هحط حاجة
حسناء:متهزريش...
غنوة:و الله مش بهزر بس الميكب مش بيبقى حلو عليا بحس ان شكلي بيكون اهبل... المهم خلينا بكرا نشوف اللي هيحصل و بلاش تفكير كتير مش عايزين نوترها.
حسناء:ماشي.... أنا هقوم أنام بقا لاني خلاص بهنج...
غنوة:تصبحي على خير
حسناء:و انتي من اهله...
تاني يوم
غنوة و حسناء كانوا مع سارة طول اليوم لأول مرة يتجمعوا التلاته و يضحكوا و يهزروا بشكل عفوي و كل واحدة بدأت تجهز
الفرح كان جميل و كلهم مع بعض
سارة و مصطفى كانوا بيرقصوا سوا على الاستيج و غنوة قاعدة جنب سلطاڼ و فريد مع حسناء
فريد :ما تيجي نرقص معاهم و لا احنا ملناش نفس يعني.
حسناء:بطل غلاسه.... يعني دي رقصتهم هم عايزنا نشاركهم قيها و بعدين مش كفاية أنا و صحابك متعبتوش...
فريد:لا أنا عن نفسي متعبتش خالص..
كمل كلامه و هو بيغمز لوالدته
:بس مشوفتيش سلطاڼ و هو بيرقص يا ماما ما شاء الله كأنه العريس...
نعيمة بابتسامة :و ايه يعني ما هو عريس فعلا... و بعدين بطل يا ولاد هو هيرقص في فرح مين أغلى من اختك.... كبرتوا يا ولاد
