قصه مشوقه ل دعاء احمد الفصل الاخير
سلطاڼ بجدية:لا يا حبيبتي مفيش حاجة هتتاجل و فرحك في معاده.... الف مبروك يا سارة كبرتي و بقيتى عروسة...
سارة بتنهيدة:كلنا كبرنا يا سلطاڼ... أنا لسه فاكره لما كنت بتشلني على كتفك و بتاخدني تشتري لي البسكوت اللي بحبه.... سلطاڼ أنا حقيقي بحبك... و حقيقي مطمنة و أنت في ضهري
عارف انا بحسك زي ابويا مش اخويا الكبير... ربنا يديله الصحة بابا، بس أنت بجد أكتر من انك تكون اخويا... أنا مطمنه لاني عارفه أن مفيش حد يقدر يزعلني طول ما انت في ضهري... ربنا يخليك ليا يا حبيبي.
سلطاڼ:و يخليكي لينا يا قمر... ياله روحي نامي الوقت اتأخر و انا الصبح نتصل علشان اكلم ماما و بابا... ياله تصبحي على خير
سارة بابتسامة:و انت من اهل الخير... سلام.
سلطاڼ قفل الموبيل و حطه على التربيزة، قام دخل الاوضة لكن لقى غنوة داخله و هي شايفه صنيه عليها اكل خڤيف
سلطاڼ اخد منها الصنيه
غنوة:كنت بتكلم مين؟
سلطاڼ:دي سارة بتسلم عليكي
غنوة :الله يسلمها... طب انت كويس دلوقتي
سلطاڼ:اه الحمد لله احسن بكتير...
غنوة قعدت، كانوا بيتعشوا بهدوء و هم بيتكلموا عن فريد
بعد مدة غنوة كانت وقاعدة في اوضة الملابس أدام الشنط، مسکت فستان مينت جرين طويل ناعم
سلطاڼ كان قاعد بيقلب في الموبيل بنوم رفع رأسه يبصلها بعد ما بابا الاوضة اتفتح لكن ابتسم... كانت جميلة جدا
غنوة و هي بتقعد جنبه :بتبص لي كدا ليه
سلطاڼ :شكلك حلو اوي...
غنوة ابتسمت بثقة :طب ما انا عارفه...
سلطاڼ باس رأسها بهدوء :ربنا يحفظك ليا يا غنوة و يحفظ قلبك ليا و قلبي ليكي...
غنوة بارتياح:يارب يا سلطاڼ... يارب
بعد كم يوم في فرنسا، غنوة قلبها اتخطف من فرط السعادة... حاسة ان قلبها هيقف و أنها حرفياً أسعد حد في الدنيا.... كل الذكريات الۏحشة اتمحت من ذاكرتها و اتبدلت بذكريات تانية جميلة من نوع خاص و مختلف... عمرها ما تخيلت تثق في حد و تحبه بالشكل دا... و يكون حبه ليها خڤيف مش مؤذي...
في الكم يوم اللي فاتوا قضت أفضل أيام حقيقي مميزة بينهم كانوا يقضوا معظم الوقت برا البيت في اكتر من مكان مختلف كانت حاسه أنها فعلا في شبابها و أن روحها مليانه بالحماس و الطاقة...
سلطاڼ كان حقيقي بيفاجاه كل يوم بحاجة مختلفة... رغم أنه كان فرحان لكن حزين ان الوقت بيعدي بسرعة و الاجازه قربت تنتهي مفضلش غير كم يوم و يرجع مصر تاني لحياته الروتنية لكن اللي مخليه مش فارق معه أنها هتكون معه في كل الأوقات...
