قوة روح بقلم الكاتبه فاطمه عيد الجزء الاول

.. يعنى تعتبروا دلوقتى شخص واحد .. ايه المشكله يعنى 
ادهم يبص لمامته ببرود نظرات انتصار فهمت قصده منها .. تتوتر وتبصلها 
انتصار تعالى يا حبيبتى لما افرجك على باقى القصر 
بوسى لا انا هقعد مع ادهم بقى و....
يقاطعها ادهم روحى معاها .. انا بتمرن شويه وخارج 
بوسى باستغراب بتتمرن بالبدله !
ادهم لسه هاغير 
بوسى بحماس عاوزه اتفرج عليك وانت بتتمرن 
ادهم بجدية بوسى يلا .. انا مبحبش حد يجى الاوضه هنا ولا يشوفنى وانا بتمرن
بوسى بزعل انت معتبرنى غريبه بجد !
ادهم بعدين نتكلم .. يلا 
بوسى تزعل منه بجد وتخرج من الاوضه وانتصار تجرى وراها .. على الرغم من أن أدهم ابنها بس هى پتخاف منه نوعا ما .. ادهم يقفل الباب ومجرد ما قفله نيران تفتح الدولاب وتقوم .. ومتجهه ناحيه الباب يمسكها من دراعها 
ادهم كلامنا مخلصش 
نيران ملكش كلام معايا ودلوقتى لو عملت ايه مش هجاوبك على اى حاجه 
ادهم بزعيق مش بمزاجك ولو ...
تقاطعه نيران بزعيق مماثل لا بمزاجى .. مش هتعمل راجل عليا يا ادهم .. مش هتيجى عليا تانى ولا تدوس عليا بالشكل دا .. خاېف مراتك تعرف وبتخبينى فى الدولاب كأنى واحده من الشارع !!! .. خاېف انها تعرف انى مراتك الاولى وان كل اللى هى فيه دا حقى انا .. خاېف تعرف مكانتى الحقيقه فى البيت دا مش مصدقه ان ادهم الشافعى بېخاف وخاېف من مين من ست ! .. وفى الاخر بتتشطر عليا .. لا معلش انت اعتبرتنى غلطه وبتخبيها دلوقتى فانا مش هعتبرك جوزى ولا هجاوبك 
ادهم يتعصب اكتر انا مش خاېف من حد ومبخافش من حد .. اللى عملته دا الصح حتى لو امى لوحدها اللى خبطت كنت هداريكى .. لانى ببساطه مش معترف بيكى كزوجه .. هى مجرد ورقه بتجمعنا .. مش حابب حد يشوفنا سوا ايا كان مين
نيران حلو .. على انهى اساس بقى حابسنى هنا وبتسألنى انت جاوبت نفسك اللى بينا ورقه ياادهم فدا مش حقك 
ادهم للحظه يفكر فى اللى بيحصل .. هى مش فارقه معاه ومش فارق معاه اى حاجه بتعملها .. بس من جواه مخڼوق وحاسس انه عاوز يكسر دماغها ويكسر مدحت معاها ويولع فيهم سوا ! .. ومش عاوز يصدق احساسه الفعلى بالغيره .. هو اكيد مش غيران هو بس مش عاوز اسمه يتلوث .. بيقنع نفسه انه عاوز يحافظ على سمعته وبس وان شعوره دا ابعد ما يكون عن الغيره 
ادهم بصرامه حقى .. وطول ماانتى شايله اسمى يبقى حقى 
نيران بتحدى تمام عاوزنى اكون حقك .. اعلن جوازنا فى الصحف والمجلات والتلفزيون والاعلان وكل كبير وصغير يعرف انى مراتك الاولى .. وبعد ما تعمل كده وقتها هجاوبك 
تسيبه وتخرج بسرعه من قدامه كأنها خاېفه انه يمسكها تانى او يوقفها لانها خلاص هتنهار ومش عاوزاه يشوفها ضعيفه .. ادهم يقف مكانه لانه فعلا مش هيعمل كده ولانها معاها
حق .. هو واخد منها كل حقوقها وبيخبيها كأنها غلطه .. يغمض عينه بنرفزه من الموقف اللى اتحط فيه ومواجهتها ..
يغير هدومه ويفرغ طاقته كلها فى الجيم .. بيقسى على جسمه وكأنه بيعاقب نفسه على تفكيره .. للاسف السيناريوهات اللى بتترسم فى دماغه بتقيد ڼار جواه مش عارف يطفيها .. اما نيران طلعت البيت ودخلت اوضتها وفضلت ټعيط بحرقه من قلبها .. حست بامل انه يكون غار عليها وهيعترف لكن كله اختفى اول ما حطها فى الدولاب خوف من امه ومراته ! .. ومن كتر العياط تدوخ وتروح فى النوم وهى مازالت بلبسها 
يعدى اليوم .. تانى يوم الصبح .. تصحى نيران على خبط على الباب تقوم وتتفاجئ انها لسه بنفس الهدوم تمسك دماغها من كتر الصداع .. حاسه بصداع رهيب وصوت خبط الباب مزعج جدا بالنسبه ليها 
نيران بصوت نايم ادخل 
الخبط مازال مستمر ومحدش دخل تفتكر انها قافله الباب بالمفتاح .. تقوم وتفتح تلاقيها مريم 
مريم وهى بتبص للبسها انتى لسه راجعه ولا ايه 
نيران لا كنت تعبانه فنمت باللبس 
مريم اه .. طب بشمهندس امجد ومدام نسمه قاعدين بره 
نيران باستغراب ليه 
مريم مش عارفه بس قالوا انهم جايين يزوروكى وجايبين حاجات كتير معاهم 
نيران طيب تمام روحى شوفيهم يشربوا ايه عقبال ما اغير واجى اشوفهم 
مريم تمام 
تقفل الباب وتدخل تاخد شاور يفوقها ويهدى الصداع اللى عندها شويه 
عند ادهم قاعد فى الشركه مع نديم ويوسف .. سرحان ومازال موضوع نيران شاغل تفكيره .. يفوق على يوسف اللى بيزقه 
ادهم ايه .. بتزق كده ليه 
يوسف بقالنا ساعه بنكلمك .. 
يغمزله.. ايه اللى واخد عقلك 
ادهم سرحت شويه .. المهم عملتوا ايه فى الصفقه 
نديم ماتقولش انك كنت سرحان طول الوقت اللى شرحت فيه دا !
ادهم مخدتش بالى 
نديم لا مع نفسك بقى .. انا رايح مكتبى عشان ورايا شغل كتير .. يوسف ابقى قوله 
يسيبهم ويخرج وادهم يبص ليوسف 
يوسف لا مع نفسك بقى .. انا رايح مكتبى عشان ورايا شغل كتير 
ادهم يبصله پحده ويوسف يضحك 
يوسف ياعم بقالنا ساعه بنقول كسبناها وفتحنا صفقات تانيه وانت كل دا مش هنا 
ادهم تمام .. روح شوف شغلك
يوسف بدلع وهزار ماتخلينا قاعدين شويه سوا يا دومى
ادهم يوسف انا مش فايق لاى هزار 
يوسف يلاقيه فعلا ابتدى يتعصب ولانه فاهمه كويس فضل انه يسيبه فى الوقت دا .. يسيبه ويخرج وادهم فضل مكانه يفكر 
عند نيران .. خلصت الشاور بتاعها ولبست هدومها وخرجتلهم .. امجد ونسمه يبتسموا اول مايشوفوها 
نيران بابتسامه معلش اتأخرت عليكو 
نسمه لا ابدا ياحبيبتى .. احنا اللى بنعتذر اننا جينا من غير ميعاد
ناهد انت تشرفونا فى اى وقت .. احنا مش هننسالكوا اللى كنتو بتعملوه معانا 
امجد على ايه بس يا امى دا واجب 
ناهد انشاله يخليك ياحبيبى ويحميك 
امجد احنا جينا نطمن لو محتاجين حاجه او لو حد ضايقكوا .. 
يبص لنيران.. اعتبرينى زى اخوكى 
نيران مش محتاجين حاجه احنا بخير الحمدلله .. شكرا ليك حقيقى 
نسمه طب مش عاوزانى اعملك اى حاجه .. تحبى نخرج مثلا او نروح اى مكان تحبيه او نعمل شوبينج .. بدل ماانتى قاعده فى البيت .. اكيد هتزهقى 
ناهد لا ماهى بتش...
تقاطعها نيران لا انا بخير الحمدلله ولو عوزت اخرج هقولك اكيد 
نسمه ماشى ياحبيبتى .. وانا رقمى مع مريم وسيبت رقم امجد كمان معاها لو حصل اى حاجه قوللنا احنا اهل 
نيران اكيد 
امجد وهو بيقف طب نستأذن احنا بقى 
ناهد ما لسه بدرى ياابنى اقعدوا افطروا معانا 
امجد ورايا شغل .. وكمان عشان تلا تحت لوحدها
ناهد ماشى يا حبيبى .. ربنا معاكو 
نيران تقف نورتونا 
نسمه وهى بتبوسها بنورك يا حبيبتى 
يسلموا عليها ويمشوا .. ناهد تفتح التلفزيون وتقعد قدامه ومريم تجيب صنيه الفطار وتحطها على الارض وتقعد وناهد تروح جنبها 
ناهد يلا يا نيران عشان ناكل 
نيران لا انا مش جعانه دلوقتى 
ناهد ليه بس يابنتى انتى مكلتيش حاجه من امبارح
نيران معلش يا ماما .. يدوب اروح الشغل 
ناهد طب متنسيش تاكلى هناك 
نيران حاضر 
ناهد تقعد وصوت التلفزيون كان عالى 
نيران يدوب
داخله اوضتها تتلجم مكانها اول ما تسمع الخبر وناهد اللقمه وقعت من ايدها ومريم مقلتش صډمه عنهم نيران الجمله بترن فى ودنها .. لم تكن بوسى الحيلانى الزوجه الاولى للمليادير ادهم الشافعى.. 
نيران بتحاول تستوعب اللى سمعته وناهد تقوم بسرعه تعلى التلفزيون .. جاءنا انباء منذ قليل من رجل الاعمال المشهور ادهم الشافعى فى تصريحات جديده بان زواجه من سيده الاعمال بوسى الحيلانى لم يكن الاول .. فقد سبق له الزواج من ابنه عمه نيران عادل الشافعى منذ عامين قبل وفاه رجل الاعمال السابق عادل الشافعى واقتصر الزفاف على الاهل والاقارب ..
الخبر مازال مستمر على التلفزيون وناهد تزغرط وتحس بالسعاده من جواها ان اخيرا ادهم اعترف بجوازه من بنتها .. اما نيران كانت فى عالم تانى مش مصدقه ان ادهم اعلن جوازهم وكمان مكدبش وقال انها الزوجه التانيه قال الحقيقه كامله
ياترى يقصد ايه بكده وعاوز ايه باللى عمله دا ! الاسئله بتدور فى دماغها ومش لاقيلها اجابه وللاسف حصل اللى كانت بتتمناه بس فى نفس الوقت خاېفه منه .. هى حاليا بقت مراته قدام العالم .. 
ناهد بدموع فرحه مبروك يا حبيبتى اخيرا ادهم اعترف بجوازكوا 
نيران ساكته تماما ومعملتش اى رد فعل .. تبعد عنها ناهد باستغراب بس اشمعنا دلوقتى اللى قرر فيها يعترف .. حاجه غريبه اوى 
مريم لسه مصدومه يعنى انتى متجوزه من ادهم بيه ! .. وقبل مدام بوسى .. وقاعده هنا لوحدك طب ليه 
ناهد تبصلها ياااه دا موضوع كبير اوى .. هبقى احكيهولك واحنا بنجهز الغدا 
نيران تبص لمامتها مفيش حاجه اتغيرت احنا هنفضل هنا ومهما حصل ملناش دعوه بحد تمام
ناهد ليه يابنتى .. ماخلاص اعترف .. المفروض يجى ينام ليله هنا وليله هناك .. دا شرع ربنا 
نيران بذهول من مامتها بجد ! عاوزاه يجى هنا بجد 
ناهد اه مش مراته وحقك وحقه دا شرع ربنا 
نيران شرع ربنا من سنتين مش دلوقتى .. وادهم مش عاوزاه معايا ولا عاوزه يتقفل علينا بابا واحد تانى انا بكرهه يا ماما بكرهه وبكره وجوده لما بشوفه فى مكان بتخنق انا مش عاوزاه ولا عاوزه اى راجل عموما انا عاوزه الټفت لدراستى اللى بدأتها ومستقبلى وعاوزه اقف على رجلى .. بعيد عن قرفه وعجرفته 
ناهد بحزن على بنتها ليه بس يابنتى .. انا عاوزه اشيل عيالك وافرح بيكى .. انا مش دايمالك العمر كله 
نيران بضيق وخوف من اللى جاى مش من ادهم .. انا مش عاوزه ادهم .. وانا على ذمته لانه مش راضى يطلقنى .. لكن اول مااقف على رجلى هرفع عليه خلع وهكسبها 
ناهد تشهق وټضرب بايدها بخضه عاوزه تقفى فى المحكمه قدام ادهم! .. انتى اتجننتى يابت .. دا يحبسك ويحبسنى ويحبس ابوه نفسه ولا ان حد يعمل حاجه ڠصب عنه .. انتى مستوعبه هتقفى قصاد مين !
نيران ليه يعنى كل دا .. ماانا من نفس اصله وعيلته .. كلنا احفاد هارون يعنى ميقدرش يحبسنى 
ناهد بصوت عالى نسبيا انتى بتضحكى على نفسك ولا ايه !! .. ماانتى عارفه ان ادهم ثروته ومعارفه بقت اضعاف بتاعت هارون واغنى واحد فى العيله والوحيد اللى ليه صيت فى البلد جايبه القوه دى منين عشان تقفى قدامه وتتحديه اتقى الله فى نفسك ومتلعبيش فى الڼار وفى الاخر تيجى تشتكى لما تولعى .. ادهم قادر يخسف بيكى وبيا الارض .. مهما وصلتى مش هتبقى قده .. ربنا يهديكى يابنتى .. ربنا يهديكى ويحل الشطان اللى راكب على