قوة روح بقلم الكاتبه فاطمه عيد الجزء الاول

اه اقدر واتفضل يلا متتكلمش معايا 
نديم اوك همشى دلوقتى .. كده كده كلها شهرين ومش هتقدرى على بعدى فعلا 
جويريه بعدم فهم نعم !
يقرب عليها ويهمس جنب ودنها 
نديم مبروك يا عروسه .. كلها شهرين وهتتنقلى من الاوضه دى وهتروحى على اوضه اكبر واحلى 
يبعد عنها ويغمز لها تانى .. جويريه تبصله بزهول ومش مقتنعه انهم اتفقوا على كل حاجه من غير ما تعرف .. نديم يبتسم لانه فاهم هى بتفكر فى ايه 
نديم اخلع انا بقى عشان ورايا شغل
جويريه بتحاول تستوعب استنى هنا .. انت اتفقت مع مين على الكلام دا!!
نديم انا والعم فاروق قعدنا سوا بليل زى ما اتفقنا وهو قالى ان السكوت علامة الرضا وانتى بتموتى فيا ومش هتقدرى على بعدي ولو سيبتك ممكن تنتحرى فخلاص هتنازل واتجوزك عشان الاڼتحار حرام برضو وانتى بنت عمى ومرضهاش ليكى 
جويريه بضيق نعم ياخويا !!! هى مين دى اللى هتنتحر .. انا مش موافقه على الجوازه دى وهفسخ الخطوبه دى اصلا
نديم بابتسامه وانا كمان مبسوط اوى ياروحى .. يلا هخلص شغل واجى اخدك ونتعشى بره ونحتفل بجوازنا يا ملاكي بحبك
جويريه بعصبيه انا بقول مش موافقه انت هتجنني ان......
يقاطعها نديم وبصلها بابتسامه باى ياروحى عشان اتأخرت
يسيبها وينزل وهى على الرغم من ضيقتها منه .. ابتسمت أول ما نزل تدخل الاوضه وهى طايره من الفرحه انها اخيرا هتتجوزه ونسيت الخلاف اللي كان بينهم واى زعل بمجرد كلمتين منه تنام على السرير وهى بتبتسم 
تعدى الايام من غير اى جديد .. نيران انتبهت لشغلها وبدأت دراستها اللى اتسهلت كتير بوجود مريم التى بتساعدها فى المذاكره .. وادهم حياته بين الشغل وبوسى اللى بيحس معاها بسعادة نوعا ما لكن مش هى كل السعاده اللى محتاجها .. فى يوم نيران راجعه من الشغل تعبانه وراحت الكورس .. الۏجع عمال يزيد عليها ومبقتش شايفه قدامها 
مدحت نيران انتى كويسه
تشاور له بمعنى اه وهو يتابع الشرح .. ويبصلها باين على ملامحها انها بتتألم .. مدحت يقرب منها انتى كويسه بجد .. انا حاسس انك تعبانه !
نيران بصوت مبحوح حاسه بدوخه بس وتعبانه شويه 
مدحت طب تحبى اوديكى لدكتور 
نيران لا لا هبقى كويسه 
مدحت كويسه ازاى بس انتى مش شايفه حالتك .. قومى معايا يلا 
نيران لا شك....
تقطع كلامها وتمسك دماغها جامد وتغمض عينها من الۏجع .. ومدحت يمسك ايدها 
مدحت قومى يا نيران لازم نروح لدكتور 
نيران فعلا تسند على ايده وتقوم لانها مش شايفه قدامها .. يعدى الوقت ويروحوا للدكتور ويطمنهم ان دا نتيجة اجهاد شديد وقلة الاكل عملها هبوط وانها محتاجه ترتاح بس وعلق لها محلول .. اول ما يخلص المحلول مدحت ياخدها تاني فى العربيه بتاعته وماشين 
مدحت انتى ساكنه فى نفس العنوان القديم بتاعكم 
نيران انا مش فى بيتى حاليا .. انا ساكنه عند قرايب بابا .. فتره كده وارجع البيت تانى 
مدحت معنى كده ان عنوانك حاليا فى قصر هارون الشافعى !
نيران باستغراب انت عرفت منين 
مدحت بابا كان دايما يحكيلى عن انكل عادل وعن عيلته وسبب الظروف اللى انتو فيها
نيران باحراج اه تمام .. انا خلاص بقيت كويسه واقدر اروح لوحدى .. شكرا ليك 
لسه هتنزل ميصحش تنزلى وانتى تعبانه كده وبعدين المكان قريب متقلقيش 
نيران باحراج شديد مش عاوزه اتعبك 
مدحت تعبك راحه 
يمشى بالعربيه وهو بيسأل كل شويه عن مكان القصر .. واخيرا وصل المكان 
نيران خلاص انا هنزل هنا مش لازم تدخل جوه 
مدحت تمام .. خدى بالك من نفسك 
نيران بامتنان شكرا ليك حقيقى مش عارفه من غيرك كنت هعمل ايه 
مدحت لا شكر على واجب 
نيران تبتسم وتنزل من العربيه ولسه هتدخل يوقفها مدحت بصوت عالى نيران 
تلف وترجع له ايوه !
مدحت ممكن اسألك سؤال 
نيران تشاور له بمعنى تمام 
مدحت انتى ايه اللى مقعدك هنا .. دا بمزاجك ولا حد منهم غصبك !
نيران تتحرج من السؤال وتتوتر لا ابدا اصل .....
تسكت مش عارفه ترد تقوله ايه .. مدحت مستنيها
تكمل بس هى سكتت وبتبص فى الارض 
مدحت طب انتى محتاجة فلوس او حاجه عشان كده اضطريتى تيجى تقعدى هنا 
نيران بسرعه لا لا مش كده 
مدحت اومال ايه اللى يخليكى ترجعى تعيشي معاهم تانى بعد كل اللى عملوه فى باباكى 
.. مش يمكن جوزها اللى عاوز كده 
نيران تتنفض من صوته وتبص وراها بسرعه ومدحت يستغرب خضتها وكلامه .. نيران باصله ومصدومه والكلام كأنه وقف فى زورها ومش عارفه تخرجه .. وادهم باصصلها بنظره اتهام وڠضب واضح 
مدحت يبصله نعم ! .. جوز مين 
جوز المدام اللى حضرتك لسه موصلها 
مدحت بعدم استيعاب مدام !!!!! .. هى مين دى اللى مدام معلش 
ادهم بهدوء عكس اللى جواه مدام نيران .. مش معقول موصلها ومش عارف اسمها !
مدحت ينزل من العربية ورايح باتجاه نيران .. ادهم يقف فى وشه وقدام نيران 
مدحت نيران الكلام دا صح .. دا جوزك !
نيران ساكته وفى عالم تانى تماما .. بتبص لادهم قدامها وخاېفه من اللي هيحصل وخاېفه اكتر من تفكيره فيها .. وبتدور على حجه مقنعه تعرفه بيها على مدحت من غير ما تكشف اى حاجه من خططها .. فى وسط ما هي ڠرقانه فى تفكيرها تتفزع فجأة من نبرته 
ادهم بزعيق ماتردى 
نيران بتوتر ااا .. هو ...
تتفاجئ بادهم اللى مسكها من دراعها جامد وبيبصلها ردى على الأستاذ 
نيران مش عارفه تقول ايه لانها مسمعتش مدحت اصلا ومدحت اول ما يلاقيها كده يقرب وعاوز يشيل ايده .. ادهم يبصله ويبتسم باستهزاء ويسيبها 
مدحت بنرفزه متمسكهاش كده .. انت بتتحكم فيها بناءا على ايه ! .. 
بيبص لنيران ويمد لها ايده.. نيران يلا نمشى من هنا .. انا عارف ان كل دا تمثيلية وابتزاز ليكو .. من زمان وهما بيعملوا كده فى ابوكى .. تعالى
معايا ومټخافيش انا قادر احميكى 
نيران تبصله وادهم يضحك على كلامه وبدون اى مقدمات يلف ايده حوالين وسط نيران بأحكام بطريقه هى شخصيا خاڤت منها .. وخلاها تسند عليه بطريقة استفزت مدحت واللى استفزه اكتر سكوت نيران 
ادهم ببرود اعتقد كده ردى وصلك صح !
مدحت بذهول انتى مراته فعلا
نيران اخيرا تخلت عن صمتها وفاقت من افكارها وذكرياتها بعد ليها بالشكل دا 
نيران بهدوء مصطنع ايوه .. ودا سبب وجودي في القصر
مدحت للحظه حس انه دخيل بينهم وانه مينفعش يعمل كده وميصحش انه يكلم معاه بالطريقه دى وقال باحراج شديد انا اسف انى تعاملت كده .. مكنتش اعرف 
ادهم يبصله بدون اى رد فعل ونيران كانت لسه هتتكلم تحس بايده ادهم اللى عصرتها وكأنها ټهديد واضح ليها .. تسكت وتحاول تبعد لكن برضو ماسكها جامد بطريقه وجعتها .. مدحت يتحرك من قدامهم ويروح يركب عربيته ويمشى .. ومجرد ما العربيه مشيت ادهم بدون اى تفكير يشد نيران من ايدها جامد ويمشى باقصى سرعته لدرجه انها كانت هتقع منه .. ياخدها اوضه الجيم بتاعته ويرزع الباب وراه 
ادهم انا عاوز اعرف مين دا وايه علاقتك بيه 
نيران حست بالخۏف للحظة لأن المكان مقفول عليهم .. وللاسف هى خاېفه اكتر انه يفقد اعصابه لأنه بالرغم من بروده وهدوئه .. جواه جانب قادر ينسف اللى حواليه ويحرقهم بجبروته .. هي خاېفه منه بس فى نفس الوقت مش عاوزه تخضع له وتبقى ضعيفه بالشكل المهين دا تانى .. ترفع رأسها من الأرض وتبصله فى عينه مباشره .. نظرة فيها نوع من التحدى وكأنها عايزه تثبت له ان كل اللى عمله أو هيعمله مش فارق معاها ومش هيهزها 
نيران بهدوء الموضوع ميخصكش ولو كنت سمحتلك باللى عملته دا فاحتراما ليك قدامه بس .. لكن انت ملكش دعوه بيا 
ادهم يعلى نبرة صوته مين دا 
نيران ملكش دعوه 
ادهم متحاوليش تستفزيني لانك مش قد عصبيتى يانيران .. 
يكمل بنبره حاده.. لاخر مره بسألك .. مين دا 
نيران هيفرق معاك ايه يعنى .. انا مخصكش اصلا .. روح شوف مراتك بتعمل ايه وملكش دعوه بيا 
ه فى دراعها وكأنها متعمد يوجعها اكتر 
نيران پألم واضح سيب ايدى .. ااااه .. اوعى 
ادهم بصوت عالي مين دا !!!!!
نيران بۏجع اكبر ابعد عنى يا ادهم .. ابعد مش قادره
ادهم فضل ماسكها وباصصلها پغضب وهى الۏجع بقى فوق المحتمل 
نيران بزعيق وۏجع ابن صاحب بابا .. اوعى بقى اوعى دراعى هيتكسر 
ادهم يزقها جامد لدرجه انها وقعت على الارض .. يقرب راسه منها وابن صاحب ابوكى .. بيوصلك ليه فى ساعه زى دى !
نيران وهى بتدلك دراعها كنت معاه وتعبت فجأه فاضطر يوصلنى 
ادهم وحضرتك كنتى معاه بتنيلى ايه 
نيران تسكت ومش عارفه تقول ايه .. لو قالت الحقيقه كل خططها هتنهار
لان ادهم مش هيسمحلها تكمل اللى بتعمله وفى نفس الوقت لو كدبت مش هتنجى من غضبه وعصبيته .. بتبص له وخاېفه .. هى حاليا بين نارين .. ڼار هتوقف حياتها وترجعها بلا قيمه .. والڼار هتحرقها وتكسر اللى باقى من روحها .. مش عارفه ترد تقوله ايه ومش عارفه تتصرف ازاى .. مبقاش فى ايدها حاليا غير أنها تدعى ربنا ينقذها من الموقف دا .. ادهم هنا وصل لقمه غضبه منها ومن صمتها الذي بيثير الشكوك والقلق جواه .. هو واثق فى أخلاقها لكن الموقف دا مش طبيعى بالنسباله وصمتها بيدل ان فى حاجه .. نيران تقف وهى بتفكر ومش عارفه تعمل ايه .. فجأه الباب خبط .. نيران تنتهد براحه وادهم يبصلها بتوعد وكأنه بيقولها اللى على الباب مش هينجدك منى .. يقرب يفتح شاشه صغيره جنب الباب متوصله بالكاميرا اللى بره .. يبص للي على الباب يلاقيها بوسى ومعاها انتصار ..
يستغرب وجودهم .. قرر يطنشهم لكن اتفاجئ بانتصار اللى بتنادى البواب يفتح الباب .. شد نيران بسرعه وفتح الدولاب وحطها جواه وقفله وهى كل دا مذهوله من تصرفه وحاولت تتكلم بس هو كتم بقها بايده .. وهى مش مستوعبه ان ادهم خاېف ! تقعد فى الدولاب وهي مصدومه من اللى عمله .. اما ادهم يفتح الباب بهدوء ويبصلهم هما يبصوله باستغراب نوعا ما 
ادهم فى ايه !
بوسى حبيبى انت رجعت امتى 
ادهم من شويه 
انتصار انت رجعت على الجيم على طول مش تطلع ترتاح وتاكل وبعدين تنزل تتمرن 
ادهم لا عادى حبيت اتمرن واطلع .. المهم انتو جايين هنا ليه 
انتصار بوسى كانت قاعده زهقانه فقلت لما افرجها على البيت عشان تاخد عليه 
ادهم امممم .. وايه علاقه اوضه الجيم بالبيت .. ما انتى عارفه انى مبحبش حد يدخلها ايا كان مين !
انتصار تبتسم وهي بوسى حد .. دى مراتك ياحبيبى