قوة روح بقلم الكاتبه فاطمه عيد الجزء الاول

نفوخك دا 
تسيبها وتدخل اوضتها وهى بتدعيلها بالهدايه .. ونيران تدخل اوضتها ومريم تروح وراها بحزن عليها معلش متزعليش .. هى بس خاېفه عليكى 
نيران بصوت مخڼوق هى مش حاسه بيا .. ومحدش حاسس بيا .. 
تبصلها.. مريم انا بكرهه بجد .. ادهم عمل كل حاجه تكرهنى فيه ومحاولش يصلح اللى عمله بالعكس كل مره بيبوظها اكتر .. وهو شخصيا مبيحبنيش ومش عاوزنى .. ايه لازمته اللى عمله او وجودنا سوا !! .. انا مش فاهمه اى حاجه
مريم تقعد جنبها على السرير مبيحبكيش ازاى وهو اعترف .. معنى انه يعترف انه عاوزك .. دا مخافش على مراته الجديده رغم انهم مبقالهمش شهر متجوزين .. فاكيد كده هو عاوزك انتى وهى مش فارقاله 
نيران لا هو معملش كده عشان مش فارقه والجو دا هو بيرضى غروره عاوز يتحكم فيا .. امبارح قولتله ملكش كلمه عليا ولا تتكلم معايا الا لو اعلنت جوازنا وهو عمل كده مخصوص عشان يقرفنى فى عيشتى ويقفلى فى الطالعه والنازله 
مريم بصى هو انا مش فاهمه اللى حصل بينكو بالظبط .. بس بابا كان دايما يقولى ان ادهم بيه لما بيعمل حاجه بيبقى عاوزها فعلا .. فانه يعلن جوازكو يبقى عشان عاوزك .. ومعنى ان ادهم بيه عاوز واحده يبقى بيحبها .. بابا دايما بيقول انه راجل دوغرى وملوش فى اللف والدوران 
نيران تبتسم باستهزاء بيحبها .. انتى فعلا متعرفيش حاجه 
مريم انا معرفش بس هقولك نصيحه سيبى قدرك يمشى زى ما ربنا كاتبلك لو ادهم مش خير ليكى ربنا هيبعده عنك مهما حاولتى تقربى لكن لو الخير فمهما عملتى وبعدتيه ونفرتى منه هتكونى معاه فى الاخر سيبى الامور تمشى زى ماربنا كاتبها .. فى حكمه فى اللى حصل واى حاجه حلوه او وحشه بيكون فيها حكمه .. متهربيش من نصيبك لان مهما عملتى هيصيبك 
نيران تبصلها ودا اللى بعمله .. انا سايباها لربنا 
مريم يبقى بلاش تهربى وتقولى مش هعمل وهوصل وهقف ضده .. لو فى الوقت الحالى تقدرى ترفعى القضيه ومتأكده انك عاوزه ترفعيها يبقى ارفعيها .. لكن طالما مش بايدك متتحكميش فى المستقبل وتفكرى فيه .. متخليش خړاب بيتك هو هدفك .. جايز يتغير
.. جايز تحبيه .. جايز تحصل معجزه تنسيكى كل اللى فات .. تفائلى خير يا نيران .. وحطى هدف للنجاح مش الخړاب 
نيران تحرك راسها بمعنى تمام وهى مقتنعه بكلامها 
مريم تبتسم قومى بقى هتتأخرى على الكورس بتاعك .. وتعالى بدرى اعتذرى من الشغل وخلينا نذاكر سوا .. انا هساعدك دايما وهبقى معاكى .. انا واثقه انك هتحققى كل اللى نفسك فيه 
ادهم قاعد فى مكتبه وبعد كميه التليفونات اللى جاتله قرر يقفل تلفونه نهائى ومنع اى حد يدخل وهو بيتابع شغله يسمع زعيق بره للاسف الصوت دا هو عارفه كويس يتنهد بضيق ويرفع التليفون بتاع المكتب ډخلها 
مجرد ماحط التلفون يلاقى بوسى رزعت الباب بكل قوتها ودخلت .. ادهم يقوم من مكتبه ويقرب عليها 
بوسى بصوت عالى وضحكه استهزاء يا اهلا برجل الاعمال المشهور اللى بيضحك على بنات الناس ويستغلهم 
ادهم تمام .. اهدى وخلينى اشرحلك 
بوسى هتجنن طول الوقت دا بتخدعنى .. كل دا وانت متجوز .. ومن مين من قريبتك .. 
تضحك جامد.. اللى كانت مسافره صح ! .. انا ازاى مغفله كده .. ازاى محستش طول الفتره دى .. لا والهانم تسلم عليا وتستغفلنى هى كمان .. انتو ازاى ممثلين كده وازاى قدرت تكدب عليا بالشكل دا .. ازاى!
ادهم ممكن تهدى عشان نعرف نتكلم 
بوسى بغيظ ونرفزه انا لا ههدى ولا زفت .. منك لله يا ادهم .. ربنا ينتقم منك بحق فرحتى اللى كسرتها داانا ملحقتش اتهنى حتى .. ومن اول يوم وانت مصدر على الوش الخشب ولا كأنك مڠصوب اتجوزتنى ليه لما انت متجوز .. واشمعنا انا .. اتجوزتنى ليه يا ادهم ومتقولش عشان بحبك والجو الدرامى دا .. دا انت حتى عمرك ما قولتلى بحبك ولا كلمه عدله .. وانا اقول عادى يمكن طبعه كده يمكن مبيحبش يتكلم .. لكن اتفاجئ من الاخبار انك متجوز وجويريه هى اللى تحكيلى عن اللى حصل !!! .. طب وانا .. كنت بالنسبالك ايه
ادهم ساكت للاسف مش عارف يرد ويقولها ايه .. ودلوقتى فعلا مش عارف هو اتجوزها ليه .. بوسى كان عندها امل انه يرد ويقول انه بيحبها هى ونيران عشان الورث زى ما جويريه
قالت وانه خبى كل دا عشان ميخسرهاش .. لكن صمته اكد تفكيرها وانه حب نيران ومحبهاش هى واتجوزها احتياج لست مش اكتر .. تبصله ودمعه لمعت فى عينها وقالت بصوت مهزوز طلقنى يا ادهم 
ادهم انتى بتقولى ايه ! .. دا لسه اول شهر .. عاوزه تتطلقى فى اول شهر ازاى بس ! 
بوسى تبتسم باستهزاء ودموع خاېف على سمعتى اوى .. طب على الاقل كنت خاف على مشاعرى وقلبى .. هو كسر القلوب وبعزئه المشاعر دى بالساهل ! .. تعرف انا ممكن استحمل اى حاجه الا الكدب .. وانت للاسف عملت اكتر حاجه كفيله تمحى كل اللى بينا .. 
تاخد نفس عميق وتمسح دموعها .. انا عند اهلى .. كلامك مع بابا مش معايا .. بعد اذنك 
تسيبه وتخرج وهو يحط ايده على راسه بضيق .. هو كان عارف ان كل دا هيحصل بس برضو مش عارف هو عمل كده ليه وايه اسبابه ! .. يعدى الوقت .. نيران خلصت الكورس ومدحت متجنبها تماما وهى مركزتش معاه اوى .. بعد الكورس روحت البيت وغيرت هدومها وقعدت تذاكر ومريم بتساعدها .. عند ادهم خلص شغله وروح البيت واللى توقعه لاقاه .. العيله كلها متجمعه وقاعدين مستنينه .. كان هيتجاهلهم ويطلع اوضته بس هارون يوقفه بصرامه استنى عندك 
ادهم ينفخ بضيق ويقرب عليهم نعم 
هارون بزعيق انت ازاى تعلن جوازك من نيران بدون الرجوع لينا !! 
ادهم الموضوع شخصى مش محتاج الرجوع لحد 
قاسم بزعيق هو ايه اللى شخصى .. وبوسى اللى سابت البيت ومشيت دى .. انت عارف حجم المصېبه اللى عملتها !
ادهم ببرود برضو الموضوع شخصى .. ومحدش ليه انه يتدخل 
هارون انت عارف بخسارتك لبوسى ايه اللى هيحصل !! .. كل فروعنا اللى فى ايطاليا هتقف .. انت فاهم حجم الخساير اللى هتحصل للشركه 
ادهم هصلح كل دا .. سواء بوسى موجوده او لا 
انتصار بنرفزه انت بتتكلم بهدوء كده ليه ولا كأنك عملت حاجه 
ادهم بنفاذ صبر لان الموضوع فعلا ميخصكوش .. سواء كملت مع نيران طلقتها .. كملت مع بوسى او طلقتها برضو محدش ليه دعوه ومحدش ليه انه يتدخل ومش هسمح لحد بكده اصلا تمام
يسيبهم ويخرج بره البيت من غير ما يديهم فرصه يتكلموا .. هارون يعلى صوته عشان يسمعه.. هتندم على اللى عملته دا هتندم على غبائك وتهورك 
ادهم كان خرج خلاص وهارون يقعد وكلهم حواليه 
فاروق اللى عمله دا هو الصح .. هو مخبى نيران كأنها چريمه وهى مراته وليها حقوق عليه لا يديها حقوقها لا يطلقها ويخليها تشوف حياتها 
قاسم بعصبيه البت دى ملهاش حقوق عندنا ..
ولا ليها انها تتكلم اصلا لا هى ولا امها .. مبقاش الا الزباله اللى لميناهم من الشارع يبقى ليهم حقوق علينا 
امجد يضايق من كلام ابوه الزباله دول مرات اخوك وبنتها .. بنتها اللى شايله اسم العيله ولحمنا ودمنا .. والله عيب يا بابا تبقى جد ولسه بتبص للناس بالنظره دى ولا كأنهم جايين من الشارع 
قاسم انت تخرس خالص فاهم .. اكيد انت اللى طلعتها فى دماغه 
انتصار طبعا ما لازم تدافعلها .. ماانت متعود على الزباله انت كمان 
تبص لنسمه وهنا امجد اتعصب بجد وقال بزعيق انتى بتتكلمى عن مين كده! .. مليون مره اقولك شيلى مراتى من دماغك .. وانتى مفيش فايده ...
تقاطعه نسمه اللى 
امجد بعصبيه يزق ايدها اوعى متدخليش انتى .. انا عاوز اشوف اخرتها معاهم .. شايفين الناس كلها اقل منكم .. طب نيران عشان امها من عيله فقيره .. ونسمه ! .. هى دى كمان من عيله فقيره ولا انتو مش لاقين اى حد .....
يقاطعه هارون بصوت عالى انا مش عاوز اسمع نفس حد فيكو .. سيبونا فى المصېبه اللى احنا فيها دلوقتى .. كل واحد على اوضته ومش عاوز اشوف حد بره .. مفهوم 
امجد ينفخ بعصبيه ويطلع اوضته ونسمه تجرى وراه .. وقاسم ياخد انتصار ويطلعوا اوضتهم .. وفاروق يطلع وراهم .. جويريه لسه
هتطلع تلاقى اللى شالها فجأه وكتم بقها .. كانت لسه هتصوت تلاقيه نديم 
نديم بهمس شششش
ياخدها نديم ويخرج بيها ويركبها العربيه وهو كل دا كاتم بقها 
عند امجد مجرد ما نسمه دخلت يقفل الباب ويبصلها وقال بزعيق انا عاوز افهم دلوقتى كل مااجى اتكلم تمنعينى ليه عماله تهين فيكى وتسمك بالكلام وانتى تقعدى تشدى وتسكتى فيا ليه
نسمه بخضه من صوته اهدى انا بس مش عاوزه اعمل مشاكل بينك وبين مامتك 
امجد بعصبيه بتضيعى حقك ليه ! انتى مالك بالمشاكل تستحملى بناءا على ايه 
نسمه امجد اهدى العصبيه مش هتحل حاجه 
امجد بنفس العصبيه والصوت العالى من بكره هشوف شقه بره نعيش فيها لوحدنا .. جايز لما يقعدوا لوحدهم يحسوا ببشاعه تفكيرهم .. والموضوع دا منتهى ومش عاوز نقاش فيه .. سامعه 
نسمه لسه هترد بنتها ټعيط تروح تشيلها واتكلمت بضيق طيب اهدى بقى البنت اتسرعت من صوتك 
يسيبهم ويقف فى البلكونه بغيظ جايز الهوا يهدى من عصبيته شويه 
عند نديم خد جويريه بالعربيه وماشى بيها 
جويريه بضيق حد يعمل اللى انت بتعمله دا!
نديم الحق عليا عاوز افرفشك من جو البيت الكئيب دا 
جويريه تقوم خاطفنى !
نديم يضحك خاطڤك ! .. يابت انتى مراتى .. دا هما اللى خاطفينك منى 
جويريه لا يا حبيبى لسه مش مراتك وروحنى بقى يلا 
نديم بخبث لا يا ايه 
جويريه دى كنايه عن الردح .. مش بجد 
نديم ببرائه مصطنعه يعنى انا مش حبيبك بجد !
جويريه تضحك مش موضوعنا .. روحنى يلا 
نديم يشغل الراديو باغنيه عمرو دياب ضحكت يعنى قلبها مال .. وهى تضحك اكتر .. 
نديم الفيلم الجديد اللى كنتى عاوزه تدخليه .. حجزت حفله واحده قولت كله ينام واستفرد بيكى .. اهم صاحين بس مش فاضين فقولت اخطفك بقى 
جويريه تضحك مش هتعقل ابدا .. 
تبصله بحب.. مرسيى يا حبيبى كنت محتاجه اغير جو فعلا 
تسند على كتفه وهو ياخدها السينما ويخرجها 
عند ادهم بيتمرن فى اوضه الجيم .. وبيفكر فى اللى جاى .. هو قام بخطوه