قوة روح بقلم الكاتبه فاطمه عيد الجزء الاول

الطلاق الا انه ضحك على اخر الجمله تلجئى لايه يا شاطره ! .. 
يضحك باستهزاء اكتر لدرجه انه استفزها.. وهتعمليلى ايه كمان 
تبصله بغيظ واتمنت للحظه انها تضربه باى حاجه تنهى ضحكته اللى بتستفزها .. ادهم يقعد على السرير ويبصلها وقال بنبره هاديه فيها شىء من الحده خليكى واقعيه يا نيران بلاش الجلاله تاخدك اوى وتفتكرى انى عشان اعلنت عن جوازنا او لانى هادى معاكى الفتره دى فتفتكرى انى حبيتك وعاوزك وهستحملك .. فبلاش دلع ماسخ لانى مبعرفش امثل كتير 
نيران تمثل ! .. على اساس انك كده كويس ولطيف
ادهم اعتقد انك عارفه لما مبكونش لطيف ببقى عامل ازاى .. ولا تحبى افكرك !
نيران انا مبتهددش يا ادهم .. واعمل
اللى تعمله انا مبقتش اخاڤ منك ولا بقى يفرق معايا 
ادهم يفرد على السرير وهو ماسك ايده وبيدلكها بالراحه وبيحاول يسيطر على المها واتكلم بصوت خالى من اى تعبير الكلام دا مش هحاسبك عليه دلوقتى لانى تعبان .. بعدين نشوف .. دلوقتى مش عاوز اسمع اى حاجه عاوز هدوء وبس 
نيران روح نام فى اوضتك .. انا مش هنام جنبك 
ادهم بلامبالاه براحتك 
يقوم يقلع البدله بتاعته ويفرد على السرير ويقفل الابجوره اللى جنب سريره وهى تبصله پصدمه من اللى عمله .. تقف مكانها مش عارفه تعمل ايه .. بتبص بعيد ومحرجه تبصله او تنام جنبه .. وفى نفس الوقت مش عاوزه تخرج وتواجه مامتها تانى اللى حاليا بقت زيهم من وجهه نظرها .. تروح تقعد على كرسى التسريحه وهى مضايقه من وجوده وحاسه ان الاوضه بتضيق بيها .. ادهم يلف ضهره وعينيهم تتقابل فى نظره سريعه انتهت بانها بعدت عينها عنه بسرعه .. وهو ابتسم انها كانت بصاله ومركزه معاه .. يعدى الوقت واخيرا راح فى النوم وهى مش عارفه تعمل ايه والتعب ابتدى يسيطر عليها وحست انها محتاجه تنام فعلا .. تقوم بحذر وتقرب منه تلاقيه نايم وانفاسه هاديه .. تاخد المخده الطويله من تحت راسه وتحطها بينهم .. وتنام بحذر شديد .. تتخض اول ما تسمع صوته 
ادهم بصوت نايم ايه شغل الاطفال دا 
نيران بضيق من الموقف نام وانت ساكت .. هو دا اللى موجود .. لو مش عاجبك روح اوضتك 
ادهم يبتسم على حركاتها الطفوليه .. ينام تانى وهى فضلت صاحيه لحد ما النوم غلبها ونامت بعد مقاومه كبيره منها انها تفضل صاحيه 
تانى يوم الصبح .. نيران تصحى على صوت ادهم .. تفتح عينها بتعب وتبصله تلاقيه واقف قدام السرير وبيتكلم فى التليفون ببرود والله دا اللى عندى .. بنتك عاوزه تطلق هتاخد كل حقوقها وهنخرج بالمعروف .. انما تتشرط وعاوزانى اطلق بنت عمى اللى هى اصلا مراتى الاولى فدا مش هيحصل .. استاذ مؤنس انا قولت اللى عندى يابنتك ترجع البيت انهارده والموضوع يتقفل كأنه لم يكن لاما ورقتها هتوصلها بكره ودا اخر كلام عندى 
يقفل السكه ونيران تغمض عينها بسرعه قبل ما يشوفها .. ادهم يضغط على التلفون بايده بغيظ من المكالمه اللى عكرت مزاجه .. يسيبه على التسريحه ويدخل الحمام ياخد شاور .. شويه ويخرج يقرب من نيران بهدوء نيران 
نيران صاحيه ومستغربه هو بيصحيها ليه .. يناديلها تانى وهى مازالت بتمثل انها نايمه .. يهزها بايده اللى اتمزقت يتأوه فجأه وبوجع وهى تفتح عينها بسرعه و بخضه بتداريها ايه مالك !
ادهم بيحاول يحرك ايده وهو باين على ملامحه الۏجع .. نيران تبص لايده تلاقيها مزرقه جامد .. بحركه تلقائيه تتعدل وتمسكها بقلق هى مكسوره !!! ..
هى مالها مزرقه كده ليه 
ادهم وقع عليها الدمبل امبارح وانا فى الجيم 
نيران بخضه وسايبها كده اكيد اتكسرت انت لازم تروح لدكتور 
ادهم حاجه بسيطه مش مستاهله 
نيران بسيطه ايه بس .. وسع 
تقوم من جنبه ولسه هتمشى تجيب علبه الاسعافات .. تتسمر مكانها .. تقف لحظه وتستوعب اللى بتعمله .. تضايق من نفسها انها اتخضت عليه بالشكل دا او ظهرت جزء من اهتمامها وفسرته بان لو اى شخص مكانه هتعمل كده .. تتحول ملامحها من القلق للبرود .. تمشى بهدوء وتجيب علبه الاسعافات وتيجى تقعد قدامه .. ادهم على الرغم من انه مش مهتم بۏجع ايده بس مستمتع باللى بتعمله .. تمسك ايده وتحط عليها المرهم وتبدأ تدلكها .. وهو بيتوجع منها لكن اتفاجئ بملامحها اللى اتغيرت ١٨٠ درجه وهدوئها وثباتها .. استغرب تحولها من شخص خاېف وقلقان عليه لشخص لا مبالى 
نيران ببرود مع الوقت هتخف 
تقوم من جنبه ولسه هتمشى يمسك ايدها .. تبصله وتسحب ايدها بهدوء فقال بحرج احم .. خلى مريم تنزل تجيبلى هدوم من تحت 
نيران ما تنزل تجيب لنفسك .. هو لازم حد يخدمك !
ادهم هنزل بالفوطه 
نيران ايه المشكله .. مفيش حد غريب .. اتفضل يلا واقعد فى اوضتك بقى 
ادهم ولما حد يشوفنى نازل من هنا بالفوطه يقولوا ايه 
نيران بتلقائيه هيقولوا ايه يعنى ! .. انا مراتك مش واحده شاقطها 
ادهم اممممم .. وبما انك معترفه انك مراتى .. مش عاوزانى اقعد هنا ليه 
نيران وانت عاوز تقعد هنا ليه 
ادهم وانتى مش عاوزانى اقعد هنا ليه
نيران هنهزر بقى .. بص مش فايقالك حقيقى .. ممكن تقوم عشان الحق انام ساعتين قبل ما اروح الكو...
تنتبه لكلامها فاجأه وتكح جامد فى محاوله انها تدارى على الجمله .. اما ادهم يرفع حاجبه باستغراب تروحى فين !
نيران بتوتر ظاهر ه ه هروح فين .. ع عاوزه انام بس 
ادهم بشك اممممممم .. تمام ابعتى مريم تجيب لبس من تحت لانى كمان عاوز انام 
نيران انت مش وراك شغل !
ادهم باصص فى عينها بيحاول
يقرأ الكلام منهم لانه شاطر جدا فى قراءه لغه العيون .. نيران بتهرب منه وبتبص فى كل حته فى الاوضه الا فى عينه لانها عارفه انه ممكن يكشف امرها من مجرد نظره ليها بسبب توترها ولمعه عينها اللى فضحتها كتير قدامه لا قاعدلك 
نيران تضايق انه هيفضل قاعد لان انهارده اول امتحان ليها فى كورس محو الاميه ويوم مهم جدا بالنسبالها ومينفعش تلغيه .. وهو كل دا متابعاها وملامح وشها اللى بتدل فعليا انها بتهرب منه ومخبيه عليه حاجه 
ادهم مش عاوزه تقولى حاجه 
نيران بتوتر حاجه زى ايه !
ادهم بسألك 
نيران لا ابدا .. انا هروح اقول لمريم بعد اذنك 
جت تمشى من قدامه يمسك ايدها ويقف وراها .. تلف وتبصله وتتوتر اكتر 
ادهم بنبره هاديه ومحذره مبحبش الكدب والحورات .. الصراحه مهما كانت بحترمها لو الشخص قالها .. لكن لو اكتشفتها لوحدى متلوميش غير نفسك 
نيران تترعب من جواها لانه كشف جزء من حقيقتها وهى انها بتكدب عليه .. تبص فى الارض وتشيل ايدها من ايده وبصوت مهزوز بتعافر عشان يظهر ثابت تمام .. بعد اذنك 
تسيبه وتخرج وهو متابعها وبيدرس تحركاتها اللى مش مطمناه .. نيران اول ما خرجت من الاوضه تاخد نفس عميق وكأنه كان ساحب منها الاكسجين .. حست انها سجينه واخيرا انعم عليها بالحريه .. الشعور دا مش جديد عليها .. تروح لمريم وتقولها تجيبله لبس .. كانت هتقعد فى الصاله بس تلمح مامتها خارجه من المطبخ .. اول ما تشوفها تقوم وتدخل الاوضه تانى .. تقفل الباب وتبصله 
ادهم فين اللبس !
نيران بتجيبه 
ادهم تمام 
نيران هتعمل ايه فى موضوع بوسى 
ادهم متوقعش سؤال زى دا ومتوقعش انها تكون مهتمه بيه اصلا بتسألى ليه 
نيران ببرود فضول
ادهم وهو بيسرح شعره هرجعها 
نيران للحظه حست پخنقه بس محبتش تبين .. تروح تقعد على السرير وهو يبصلها باستفزاز كانت بتبسطنى الصراحه .. وبعدين انا
راجل وليا احتياجات فاكيد هبقى عاوز ست جنبى .. ولا ايه 
نيران على الرغم من ان الكلام بيوجعها وبيقلل منها الا انها مش هتبين دا مهما حصل 
نيران بابتسامه بارده حقك 
ادهم يبادلها الابتسامه ويقعد جنبها ويمسك تلفونه .. يقاطعه صوتها واعتقد انه حقى انا كمان 
ادهم يبصلها مش فاهم 
نيران يعنى انا كمان بنت وصغيره ومحتاجه راجل جنبى يحبنى ويحترمنى 
نيران قالت الجمله دى بكل التلقائيه اللى جواها ومعرفتش تأثيرها ممكن يكون ايه على ادهم .. ادهم الڼار ولعت جواه من جرائتها ووقاحتها فى نفس الوقت 
نيران تكمل فطلقنى وخلينى اشوف حياتى .. انا مش هكمل على ذمتك بالورق وخلاص .. زى ماانت راجل وليك احتياجات انا برضو ست وليا احتياجات 
نيران تتوتر من قربه ليها بالشكل دا .. تسكت ومش عارفه ترد تقول ايه وعماله تهرب من عينه وهو مركز معاها ومستنيها تجاوب زى ماانت محتاج ست .. انا عندى نفس الاحتياج 
ادهم بزعيق اخرسى انا مش عاوز اسمع صوتك
نيران تتخض اول ما رزعها على السرير تقوم تقف بسرعه .. وتبصله پصدمه 
نيران پخوف مش قصدى .. انا اسفه مش قصدى 
لسه هيتكلم يقاطعه الباب اللى خبط .. يبصلها بغيظ وياخد نفس عميق بنرفزه وينفخ جامد وفتح الباب .. لاقها مريم ياخد منها اللبس ويدخل الحمام يغير هدومه ويخرج بصرامه اللى حصل دا تحذير ليكى ولكلامك .. ولو كلمه طلاق جت تانى على لسانك هتشوفى منى وش عمرك ما شوفتيه 
يعدى الوقت ويجى الليل .. امجد اخيرا لقى شقه كويسه قريبه من شغله .. يدخل اوضته يلاقى نسمه قاعده بتأكل بنتها .. يبصلها بنظره بارده 
امجد انا اجرت شقه مؤقته عقبال ما اشوف شقه كويسه اشتريها .. عاوزك تلمى اى حاجه تخصك او تخص تلا .. هنمشى بكره
نسمه برضو مصر على اللى فى دماغك !
امجد كلامى مفهوم صح ! .. انا مش عاوز نقاش 
تحرك راسها بمعنى تمام ..
تعدى الايام بدون اى جديد .. امجد خد مراته وبنته وراح شقته الجديده والعيله محدش فيهم اعترض على القرار دا .. سابوه لحد ما يندموا ويرجعوا لوحدهم .. اما ادهم محاولش يطلع لنيران او يتجمع معاها فى اى مكان تانى ودا لانه مش حابب يتهور عليها بالشكل دا تانى وبسبب استفزازها ليه كل مره 
فى يوم ادهم راح على بيت بوسى .. رفضت تقعد معاه رفض قاطع وشرطها الوحيد بانها تتكلم معاه او ترجعله هو انه يطلق نيران .. يقعد مع باباها هى بنتك هتتشرط عليا عشان ترجع 
مؤنس پغضب منه حقها انت لما اتجوزتها كنت اعزب او هى كانت فكراك كده .. الخلل حصل من عندك مش عندنا !
ادهم وانا مش هطلق نيران .. وبنتك لو مرجعتش البيت انهارده تبقى طالق وورقتها هتوصلها فى اقرب وقت .. بعد اذنك 
يقوم ويمشى فى وسط زهول مؤنس انه مش قادر يطلق نيران واستغنى عن بنته كده بسهوله .. وللاسف