قوة روح بقلم الكاتبه فاطمه عيد الجزء الثاني والاخير

.. يوسف يرد عليه هذا الرقم غير موجود بالخدمه .. الرجاء المحاوله فى وقت لاحق .. تيت تيت
يقاطعه ادهم مش وقته هزار خالص .. اسمعنى .. قدامك ٢٤ ساعه وتجيبلى كل المعلومات عن شركه .. 
يبص للملف اللى قدامه.. شركه NM .. مفهوم .. 
يكمل پحده.. مانا مرهق زى سيادتك وشوفت شغلى .. انجز يايوسف .. لا مش بثق فى غيرك فى المواضيع اللى زى دى .. تمام سلام 
يقفل معاه ويحط الكولكشن على المكتب ويكمل شغل .. يعدى الوقت ويجى الليل .. ادهم يخلص شغله ويعدى على امجد اخوه .. يخبط على الباب وبنت صغيره تفتح شكلها غريب عليه 
ادهم باستغراب مش دا بيت امجد 
تلا اه هو ..
يقاطعها صوت نسمه اللى جايه مين يا تلا 
تلا مش عارفه يا مامى 
نسمه تقرب وتفتح جزء تانى من الباب وتبصله بزهول ادهم !!! .. الف حمدلله على سلامتك .. اتفضل اتفضل 
توسعله الطريق وادهم يبتسم ويدخل ازيك يا نسمه عامله ايه .. وازى امجد وتلا 
نسمه تضحك ما تلا قدامك اهو .. ولا انت نسيتها ولا ايه 
ادهم يبص لتلا باستغراب شويه لانه اخر مره شافها كانت تعتبر صغيره جدا من سن اسر وياسين لكن حاليا بقت اطول وسنها كبر .. يبصلها ويبتسملها طب مش هتيجى تسلمى عليا ولا ايه 
نسمه تبص لتلا دا عمك ادهم .. اللى كان مسافر بره 
ادهم اومال امجد فين .. اوعى تقولى لسه فى الشغل 
نسمه لا رجع من بدرى .. هو نايم شويه بس .. استنى اصحيه 
ادهم يشاورلها بتمام ويقعد مع تلا يلعب معاها .. نسمه تدخل لامجد الاوضه تصحيه 
امجد بنوم ايه يا نسمه عاوزه ايه 
نسمه قوم بسرعه .. ادهم رجع وقاعد بره 
امجد مازال بتأثير النوم بطلى هزار بقى عاوز انام 
نسمه تشده مش بهزر والله .. قاعد بره مع تلا 
امجد يسكت للحظه وبعدين يتعدل بسرعه 
امجد ادهم اخوياا
نسمه اه والله .. اخرج........
لسه بتتكلم يقاطعها امجد اللى قام وجرى على بره .. ادهم اول ما شافه ساب تلا
امجد بابتسامه واسعه ياعم مش تقول انك جاى .. كنت جيت استقبلتك من المطار 
ادهم وهو بيقعد مكنتش متأكد انى راجع فقولت بلاش اقول وتعملوا حسابكو وبعدين معرفش ارجع 
امجد طب وايه ناوى تستقر ولا هترجع تانى 
ادهم مش عارف الحقيقه .. المهم طمنى عن اخباركو .. عاملين ايه والحياه ماشيه معاكو ازاى 
امجد فل الحمدلله .. حياتنا بقت احسن بكتير لما سيبنا القصر .. هنا البيت صغير وعلى قدنا ومع نفسنا .. ولا حد يزعجنا ولا حد يفرض سيطرته علينا .. راحه وروقان
وهما بيتكلموا نسمه تجيب عصير وحلويات وتحطها قدامهم وتقعد جنب امجد 
ادهم مش ناوى ترجع يعنى !
امجد يضحك بقولك راحه وروقان تقولى نرجع !
ادهم ياعم اهم حاجه راحتك 
امجد قولى اخبار الشغل ايه هناك 
ادهم وهو بيشرب العصير لا كل حاجه بقت تمام الحمدلله 
امجد طب ونيران 
ادهم عايشه فى الدور اللى كانت موجوده فيه قبل جواز نديم .. لسه هناك 
امجد بس دا مش قصدى !
ادهم وهو بياخد العصير من على التربيزه عاوز توصل لايه !
امجد انك متجوز
بقالك سبع سنين ولسه لحد دلوقتى متعرفش اى حاجه عن مراتك ولسه مخلفتش حتى .. مش شايف انه غريب شويه 
ادهم مخلفتش لانى مش معاها اصلا .. دا اولا .. ثانيا احنا مرتاحين كده وهى مشتكتش 
امجد وهو لازم تشتكى يا ادهم .. مااكيد مش عاجبها الوضع .. نيران كبرت ياادهم .. انا فاكر انك متجوزها وهى حاجه وعشرين سنه .. يعنى دلوقتى عدت التلاتين اكيد .. ايه الاستفاده فى انك معلقها جنبك ولا شايفها زوجه ولا حتى شايفها تشوف حياتها 
ادهم باصصله وساكت لانه فعلا معلقها بيه على الفاضى ومش قادر يقرب او يبعد 
نسمه طب وليه يطلقها وليه خړاب البيت دا .. وليه اصلا تشيل لقب مطلقه على الفاضى كده .. 
تبص لادهم.. ماهو ممكن تحاول معاها وهتحبها .. نيران كويسه جدا وهاديه ورقيقه .. لو حاولت معاها هتحبها 
ادهم يتنهد بصوت مسموع ويكمل ببرود خلصتو ! .. اقفلوا بقى الموضوع دا 
امجد اللى تحبه بس انا بلفت نظرك لحاجه مهمه جدا .. نيران لو مبتحبكش كان زمانها سابت البيت واختفت فى فتره غيابك وكانت تقدر ترفع خلع وهيتحكملها ودا لانك سايبها .. لكن هى صابره ودا ملوش غير معنى واحد انها عايزاك وعايزاك انت اللى تقوم بالخطوه دى .. وعوض العمر اللى بيتسرق من ايدكو دا .. هتندم لو ضاعت من ايدك 
ادهم يبصله ونوعا ما الكلام بيرن فى دماغه .. هو عارف انه معاه حق فى كل كلمه قالها لكن فى نفس الوقت مش قادر يكون مع نيران لانه مش حاسس باى شعور من ناحيتها ليه .. يبصله ويحاول يغير الموضوع فقال بضحك
البت دى كبرت امتى !
يشلها ويزغزها بدقنه .. امجد يتقبل تغيره للموضوع ياعم انت اللى طولت فى الغيبه 
يفضلوا قاعدين سوا وادهم يتعشى معاهم وبعدين يرجع القصر .. يطلع لجده ويفضل قاعد جنبه وبيكلمه .. يعدى الوقت .. ينام هارون .. بعدين ادهم يقوم من جنبه وينزل تحت .. يلاقى اسر وياسين قاعدين فى الريسيبشن وجويريه عماله تلاعبهم وباين انها ھتموت وتنام 
ادهم انتو لسه منمتوش لحد دلوقتى 
جويريه بتعب مش راضين ينامو خالص .. وانا تعبت ونديم طردنا من الاوضه ونام هو 
ادهم يضحك ويوطى للعيال .. اللى قربوا على امهم رجلها 
جويريه مش قولنا متخافوش عشان دا عمو ادهم اخو بابا .. مش عيب كده 
اسر وياسين يفتكروا وبعدين يبعدوا عن رجلها بس يفضلوا بعيد عنهم 
ادهم يبتسم مش عاوزين تناموا ليه بقى 
اسر لسه صاحيين ومامى مش عاوزانا نلعب فى الجنينه 
ادهم انتو متعودين تلعبوا فى الجنينه لوحدكو !
جويريه لا نديم بيخرج معاهم او بابا او انكل قاسم .. مش بيلعبوا لوحدهم 
ادهم اممممم طب ولو لاعبتكوا فى الجنينه دلوقتى هتعملوا ايه 
ياسين واسر ينطوا بفرحه ويجروا عليه 
اسير وياسين بصوت واحد بجد
ادهم يضحك على عفويتهم اه يلا .. انا كده كده فاضى 
جويريه باحراج هيتعبوك دول لما بيلعبوا مبيزهقوش خالص 
ادهم يبتسم وانا عاوزهم يتعبونى .. اطلعى انتى نامى وانا هلاعبهم شويه وانيمهم معايا 
جويريه مش عاوزه اتعبك ياادهم 
ادهم وهو بيشلهم انا عاوز اتعب ملكيش دعوه .. اطلعى جنب جوزك يلا 
جويريه تبتسم ومن جواها تحس بارتياح لانها فعلا محتاجه تنام .. تسيبهم وتطلع فوق وادهم ياخدهم فى الجنينه 
ادهم بتلعبوا فين بقى 
اسر يشاورله على الجنينه الرئيسيه واللى هى قدام الباب بتاع القصر والمكان معجبش ادهم ان الاطفال يلعبوا فيه .. يبصلهم 
ادهم انا بقى وهوديكوا مكان احلى من دا بكتير 
يداخدهم عند اوضه الجيم بتاعته وحمام السباحه اللى بقى مفهوش ميه وكله تراب وتخيل اوضه الجيم هتكون كده لكنه اتفاجئ بيها نضيفه جدا وكأن حد لسه منضفها وهنا اضايق نوعا ما لانه مبيحبش حد يدخلها مهما كان .. ينزل اسر وياسين اللى بدأوا يجروا فى الجنينه ويلعبوا .. عشان يحسسهم انهم اسرع منه وفضل يلعب
معاهم .. يعدى الوقت .. تلفون ادهم يرن .. يبص على الاسم لاقاه يوسف .. يرد على التلفون بسرعه وينسى العيال تماما 
ادهم الو .. ها وصلت لايه .. 
نبره صوته تعلى.. يعنى معرفتش مين صحابها !!! .. من تلت سنين ! .. لحقوا يعملوا كل دا فى تلت سنين .. طب عرفت ايه تانى .. عرض ازياء كمان ! .. تمام .. لا هنحضر اكيد .. شوف هيكون امتى وبلغنى .. انا وانت هنروح .. نديم مش هيسافر عشان مراته وعياله واكيد سفريه زى دى هتاخد اكتر من يوم .. تمام سلام 
يقفل معاه وهو بيفكر فى الشغل وفى الشركه الجديده .. فجأه يفتكر العيال .. يبص حواليه ميلاقيهمش .. يتخض للحظه ويجرى قدام يدور عليهم .. يلمح اسر عند السلم بتاع دور نيران يجرى بسرعه وهيمسكه يتفاجئ بياسين طلع وبيخبط على الباب .. يشيل اسر ويطلع لفوق ولسه بيرفع ياسين يتفاجئ بنيران اللى فتحت الباب .. نيران تبصلهم باستغراب وبفرحه انها شافته تانى فى نفس اليوم .. ادهم ينزل الولاد معلش الولاد جم هنا وانا مخدتش بالى 
نيران بتفهم ولا يهمك 
ادهم لسه هيمسك الولاد من ايدهم يلاقيهم جريوا على جوه .. نيران تبتسم وهو يحس باحراج سيبوهم عادى هما احيانا بيجوا هنا 
ادهم باستغراب مين بيجيبهم هنا !
نيران نسمه لما بتيجى هى وامجد بيجيبوا اسر وياسين وتلا واحيانا جويريه ونديم بيجوا 
ادهم مستغرب ان اخواته بيجوا هنا .. لكن ميعلقش على الموضوع .. يبصلها تمام معلش ناديلهم 
نيران تدخل تشوفهم تلاقيهم دخلوا اوضتها بيلعبوا فيها وبينططوا على السرير .. تحاول تشيلهم لكن كانوا هيعيطوا .. تخرجله مش راضين يجوا 
ادهم ليه
نيران بيعيطوا ومش راضين يخلونى اشيلهم 
ادهم ينفخ بضيق ويدخل البيت وبعدين يسمع صوتهم فى اوضتها .. يدخلهم ونيران تقفل الباب وتدخل وراه 
ادهم يلا عشان ننزل 
اسر وياسين يتجاهلوه ويفضلوا يلعبوا .. ادهم يقرب ويشد واحد منهم .. يصوت ويجرى منه .. ادهم لسه هيمسك التانى يجرى على نيران ويتخبى فيها .. نيران توطى وتشيله .. لسه هيقرب على التانى يجرى على نيران هو كمان 
ادهم بصوت عالى انزلوا يلا 
پخوف لا احنا هنفضل هنا 
ادهم پحده انا قولت انزلوا يلا 
نيران سيبهم طيب مادام هما عاوزين يفضلوا هنا 
ادهم ممكن تخليكى فى حالك انتى كمان !
نيران تضايق من رده وادهم يقرب عليهم وبيشد واحد من ايد نيران .. العيال بدأوا يخافوا منه مش هاكلهم يعنى 
ادهم اتفضلى خلصينى 
نيران تقرب وتقعد على السرير وتبوس دماغهم براحه وتبتسم 
نيران متخافوش منه هو بس عاوزكو عشان تلعبوا معاه 
اسر لا هيضربنا .. وبيزعق اوى يا طنط 
نيران لا ياحبيبى دا بيهزر معاكو 
ادهم متابع حركتها مع العيال وبدأ يزهق
.. يقعد على كرسى التسريحه ويبدأ يبص فى الاوضه اللى نيران غيرت شويه من شكلها .. يروح بعينه للبلكونه وېتصدم من اللوحه اللى محطوطه جنب البلكونه .. يلاقى رسمه لصورته بنفس الطقم اللى كان لابسه الصبح ونفس ريأكشنه اول ما شافها وكأنها حفظت هيئته فى اللحظات اللى شافها فيهم .. يقوم من على الكرسى ويشيلها من جنب الحيطه ويرفعها ويبصلها بتفحص اكبر .. نيران كل دا مشغوله بالاولاد اللى مش راضين يمشوا معاه ونسيت تماما موضوع اللوحه .. ادهم باصص للوحه ومصډوم .. مصډوم انها رسمته ومصډوم اكتر من احترافيتها وابداعها فى الرسم .. يلف ويبصلها 
ادهم نيران 
نيران من غير ما تبصله وهى شايله اسر وياسين وبتحايل فيهم شويه بس وهيقتنعوا .. حاول تكون هادى ب...
يقاطعها ادهم ايه اللوحه دى !
نيران تتجمد مكانها وكأن حد