قوة روح بقلم الكاتبه فاطمه عيد الجزء الثاني والاخير

.. متخيلتش انه ممكن يشك فيها لدرجه انه يصدق انها تعمل كده .. ايده عماله تضغط على خدودها وفكها جامد وهى ساكته .. يشيل ايده ويشدها جامد من شعرها ويجرها وراه لدرجه انها كانت هتقع فى الارض 
ادهم بصوت عالى ماشى انا هعرفك ازاى تتكلمى 
نيران بټعيط بهستريه ومش مصدقه انه مد ايده عليها بالشكل دا .. لسه بيرفع ايده تانى تدارى وشها بعياط هفتحه .. هفتحه ابعد 
ادهم ياخد نفس عميق ويخرجه بنرفزه ويرمى التلفون فى وشها لدرجه انها اتوجعت من خبطه التلفون فيها .. تفتحله التلفون وترميهوله وتقوم بسرعه تقعد
على آخر السرير .. ادهم قلب فيه ويلاقي مكالمات كتير بينها وبين مدحت .. يبان على ملامحه الڠضب اكتر .. يفتح المسدجات يلاقي اول مسدج بينهم كانت عن الكورس 
..نيران انتى اتقبلتى فى منحه كورس محو الأمية تقدرى تشرفينا بكره فى السنتر الساعه ٢ الضهر 
ادهم يستغرب للحظة .. كورس ايه اللى بتاخده! يلاقى رساله من السمسار لبيع الشقة .. ودا اللى خلاه يستغرب اكتر .. يفتح الواتس اب ويلاقي مسدجات بينها وبين مدحت بتسأله فيها عن حاجات فى المذاكره وبينها وبين مدرسين تانين والكلام كان بحدود واحترام وكلامها معاهم كان زى ما مدحت بالظبط بدون اى تمييز .. كمان لقى مسدجات بينها وبين مدام علا واللى محتواها انها بتعتذر هتتأخر على الشغل وان تصميم الفستان خلص وحاجات كتير بتدل انها بتشتغل وهنا ترجم رفضها لاى فلوس منه وهما عايشين لوحدهم وتخليها عن ورثها بسهوله .. هنا استغبى نفسه جدا انه شك فيها بالمنظر البشع دا وعصبيته عليها بالطريقه دى .. هى اه غلطانه انها خبت عليه حاجه كبيره زى دى لكن مش مبرر ابدا للى عمله .. يبصلها يلاقيها ضامه رجلها ودموعها بتنزل بصمت وملامحها خاليه من اى تعبير وفيه خيط من الډم سايل من مناخيرها وبتمسحه بايدها .. يبصلها ويحاول يهدي نفسه مقولتيش ليه انك بتاخدى كورس .. او انك بتشتغلى .. أو اتكلمتى عن بيع الشقه !
نيران وهى مازالت باصه قدامها وبصوت ثابت كل الحاجات دى تخصنى واعتقد انى مبجيش اقولك عملت ايه فى شغلك او ممتلكاتك 
ادهم انا راجل وحر فى حياتى الاجتماعية والوظيفية .. لكن انتى مراتى وملزمة منى
نيران لو كنت مراتك كنت صدقتني واحترمتني ووثقت فى اخلاقى .. لكن للاسف اللى عملته دلوقتى نزلك من نظرى اوى .. وللاسف مش هقدر اسامح فيه 
ادهم عارف انها معاها حق ومضايق من نفسه انه مد ايده عليها بالشكل دا وانه فكر بالطريقة دى .. يقرب ويقف قدامها انا اسف 
نيران اطلع بره يا ادهم .. وملكش دعوه بيا تانى .. ولو كنت عاوزه اطلق منك بنسبة ١٪ دلوقتى بقى مليون .. سيبنى فى حالى لو سمحت 
ادهم نبرته تعلى وانتى مالك عايشه دور الضحېة اوى كده ليه .. ماانتى كدبتى برضو وخبيتى عليا حاجات كتير ودى مش هحاسبك عليها دلوقتى .. فأنا لو اسف فدا لانى مديت ايدى عليكى لكن مش معناه ابدا انى غلطان فى حقك 
نيران بزعيق انك تتهمنى بحاجه زى دى تبقى غلطان .. وغلط كبير كمان ولا يغتفر !
ادهم پحده تصرفاتك كلها بتثبت دا وكدبك بيثبت كده والمسدج والمكالمه .. لما تكونى صريحة ومخلصه بكلامك وقتها تبقى تتضايقي من تفكيرى .. وعلى فكره اللى عملتيه انا مش هعديه على خير يا نيران .. انتى كدبتى عليا وانا هدفعك تمن الكدبه دى 
نيران بتهددنى بناءا على ايه عاوزه افهم ! .. انت ملكش دعوه بيا وملكش علاقة باللى بعمله .. انا مراتك اسم بس فمش من حقك تسألني اصلا ولا تعرف عنى حاجه 
ادهم مش ملاحظه ان الجمله دى اتقالت قبل كده وكان شرطك انى اعلن جوازنا عشان يبقى ليا حق عليكى .. ودلوقتى بقى سيادتك عاوزه ايه عشان تقتنعنى انك مراتى ودا اقل حقوقي !
نيران عاوزه اطلق وتسيبنى فى حالى بس .. دا اللى عاوزاه 
ادهم مش هيحصل يانيران مش هيحصل .. وانا حاليا مشغول ف حاجات كتير .. ورايا سفريات .. مجرد ما ارجع كل حاجه هتتغير وسيادتك مش هيكون
عليكى غير انك تتقبلى الأمر الواقع .. اما بقى بالنسبة لشغلك والكورس مش فارقين معايا لانك كده كده هتفشلى فهسيبك تجربى وتلعبى شويه وتسلى وقتك بس
سيبها وخرج من غير ما يسمع ردها .. اول ما خرج ټعيط جامد . تفتكر كلامه كله واتهامه ليها وبعدين توقعه ليها بالفشل 
نيران لنفسها يارب تسافر ومترجعش ياادهم .. يارب تفضل عايش بعيد عنى وتسيبنى فى
حالى 
كانت بتدعى وفى نفس الوقت قلبها اتقبض ورافض الدعوه لكن هى مش بتدى لقلبها اى اهتمام .. بتحكم عقلها فى اى حاجه .. تملى البانيو ميه دافيه وتقعد فيه وبتحاول تصفى دماغها وتنسى اللى حصل .. وحاطه على طرف البانيو طبق فيه ميه متلجه وبتعمل كمادات لوشها عشان الورم والزرقان دا يخف شويه .. 
ادهم طلع اوضته بيفتكر شكلها وضعفها اخر حاجة كان ممكن يتخيلها انه يمد ايده على بنت .. اضايق من تفكيره والصور اللى تخيلها فيها .. شويه ويدخل تحت الدش ويشغل ميه سقعه ويفتح واقف تحته كتير 
تعدى الايام .. وادهم محاولش يتعامل مع نيران نهائى لكن راح بنفسه لمكان الكورس والشغل بتاعها واللى عرف عناوينهم من خلال مريم .. واتأكد انهم اماكن كويسه وسمعتها محترمه وده طمنه عليها .. ورغم اتهامه ليها بالفشل لكنه حب اصرارها وطموحها في أنها تحقق ذاتها ..عدت الايام وجه يوم فرح جويريه ونديم .. نيران نازله الكورس الصبح .. تلاحظ انوار فى القصر كله والجنينة الرئيسيه للقصر بتتزين بالورد والبلالين .. تستغرب لانه باين عليه احتفال كبير .. تتجاهل الحاجات دى كلها وتروح الكورس بتاعها .. يعدى اليوم ويجي الليل .. جويريه بتلبس فى الاوضه وتيجى نسمة تلبسها الطرحه 
نسمة بابتسامه قمر يا جورى 
جويريه بتوتر بجد شكلى حلو 
نسمة زى القمر والفستان تحفه عليكى 
جويريه يعنى هعجب نديم 
نسمة تضحك ياحبيبتى انتى اصلا من غير اى حاجه عجباه .. دا انتى حبيبته ايا كان شكلك هيشوفك جميله 
جويريه تتوتر اكتر ايه علاقة حبيبته انه يشوفنى حلوه مانا ممكن اكون وحشه ويحبنى هو الحب بالشكل 
نسمة لا ياحبيبتى مش بالشكل .. بس القلب لما بيحب بجد بيشوف الشخص اللى قدامه احلى حاجه فى الدنيا حتى لو وحش زى مابتقولى كده .. وعشان نديم حبيبك ف هيشوفك احلى من اى بنت بيشوفها .. وبعدين انتى من غير دا كله زى القمر 
جويريه مازالت متوترة طب والمانيكير لايق 
نسمة بحب ياروحى كلك زى القمر .. اهدى كده وروقى 
جويريه اومال انا حاسه پخوف ليه .. مش عارفه متوترة اوى 
نسمه طبيعى ياحبيبتى حياة جديده عليكى .. اهم حاجه تهدى ومع الوقت هتتعودى 
يقاطعهم خبط الباب .. تروح نسمة تفتح تلاقيها انتصار .. تبصلها وتبتسم وانتصار تبصلها بقرف وتتجاهلها وتدخل .. تتنهد بضيق وتقفل الباب 
انتصار الله اكبر الله اكبر على عروسه ابنى .. قمر ياناس 
جويريه تبتسم لها ميرسى يا طنط......
تقاطعها انتصار لا طنط ايه انا بقيت ماما دلوقتى 
جويريه ربنا يخليكى ليا يارب 
انتصار تقعد قدامها وتبصلها بصى بقى يا حبيبتى .. انتى رابع واحده تبقى مرات ابنى .. وعارفه كويس اوى انا بحب ايه فى مرتات ولادى وبكره ايه .. 
تبص لنسمه من فوق لتحت وبعدين ترجع تبص لجويريه.. المهم اللي عاوزه اوصلهولك صاحبتينى وعرفت كل حاجه عنك انتى ونديم وسمعتى كلامى بقيتى حبيبتى وبنتى ونور عينى .. عملتى زى ناس 
تبص لنسمه تانى و نسمة متجاهلاها تماما.. يبقى متزعليش بقى ياحبيبتى .. ماشى 
جويريه اكيد يا ماما دا انتى البركة بتاعت البيت 
انتصار تبتسم ابتسامه واسعه وتزغرد كتير مرات ابنى وحبيبتى ياناس 
جويريه تحضنها .. تبعد عنها انتصار وتخرج من غير ما توجه اى كلمه لنسمه .. نسمة تقفل الباب وتبص لجويريه 
نسمة متسمعيش كلامها عشان هتخرب بيتك .. متدخليش حد بينكو .. خلى حياتك خاصة بيكو .. مش هتكسبى حاجه غير المشاكل 
جويريه باستغراب يعنى ايه !
نسمة يعنى محدش يعرف عنكو حاجه ايا كانت .. فى اوضتكو انزلوا واضحكو وهزروا قدام الناس ومتعرفيش حد بمشاكلكم ولما تسألك قوليلها بخير وتمام .. لما يجيبلك هديه حطيها فى الدولاب واشكريه عليها ومتوريهاش لحد ولو حد سألك قولي جابلى هديه وخلاص مش لازم تقولى جابلك ايه ولما تخرجوا مش لازم حد يعرف كنتو فين بالتفصيل لا
حماتك ولا صاحبتك ولا انا حتى خلى حياتكو خاصه ومحدش يعرف غير انكو متجوزين بس .. هتفضلى سعيده العمر كله .. لكن لو سيبتى الناس تعرف كل خصوصياتك انسى انك تفضلى سعيده 
جويريه نوعا ما اقتنعت بكلامها لانها طول فتره خطوبتها طول ما كانت بتحكى لانتصار كان لازم تتخانق مع نديم لكن مجرد ما بطلت تتكلم حياتهم بقت احسن .. يعدى الوقت الباب يخبط .. تروح نسمه تفتح تلاقيه نديم ومعاه امجد 
نسمه الف مبروك يا نديم 
يضحكوا جامد وهى تتكسف اكتر ونسمه تبرقله عشان يبطل وهو مازال بيضحك 
جويريه بضيق انتو بايخين اوى على فكره 
نديم
خلاص ياقلبى حقك عليا .. لفى بقى خلينى اشوفك 
جويريه بتوتر حاضر 
تلفله وهو يبتسم ويغمزلها بمغازله وهى تتكسف وتديله ضهرها تانى 
نديم بضحك ملحقتش اشوف حاجه 
جويريه لا مش هبص تانى خلاص .. 
نديم لسه هيتكلم يجى ادهم انتو واقفين هنا بتعملوا ايه .. المأذون والناس كلها تحت .. خلصونا انا ورايا طياره 
نديم حبكت يعنى تسافر الليله 
ادهم ويعنى حبكت لحضرتك تتجوز الليله 
نديم اه حبكت الجواز .. بذمتك دى حاجه تتأجل 
ادهم لا ياخويا متتأجلش خلصونا 
نديم يلف لجويريه ويهمس جنب ودنها هتنورى اوضتى وحياتى كلها .. زى القمر ياروحى 
جويريه تحس بكسوف وتتحرج من وجود ادهم وامجد ونسمه لكن هما خدوا بالهم وخرجوا .. نديم يأنكچها ويبتسم وهى كمان تبادله الابتسامه ونوعا ما توترها قل اول ما اتكلم معاها وشافته .. يعدى الوقت .. يكتبوا الكتاب ويخلص الفرح .. نيران كل دا بتابع من البلكونه اللى فى اوضه مامتها ومش مصدقه انهم على رغم من انها ساكنه معاهم فى بيت واحد الا انها اكتشفت بالصدفه ومش زى المعازيم كمان دى معرفتش الا لما شافت العريس والعروسه .. تبتسم وهى من جواها موجوعه من جدها لانها متأكده ان لو حد هياخد قرار زى دا فمش هيكون غيره وهو الوحيد اللى محدش يقدر يعمل حاجه من وراه عشان كده محدش عزمها منهم .. تتفاجئ بمامتها اللى بتطبطب على ضهرها 
ناهد معلش هما دايما كده و....
بس