قصه جديدة الجزء الثاني.

*يادي النيله العيله دي جايه تموتني.. أي يفرحوا بيها دي.. تتجوز؟.. عند النقطة دي حسيت بجسمي كله بيتنفض واني تكه كمان وهنفجر.. تمتمت في سري ينعل***** دي قاعده
أميره :لسه يا عمتو النصيب مجاش
عمتو:طب اي رايك لو في عريس متقدملك
*هنا ومقدرتش امسك اعصابي لاقيت نفسي برد بعصپيه  مبالغه وصوت عالي نوع ما ناتج عن انفچاري 

_ما خلاص يا عمتو قالتلك لسه النصيب مجاش.... محسيتش بنفسي غير لما لاقيتهم بيبصوا لي باستغراب... تنحنحت وهديت شويه ورديت وانا مش لاقي حاجه اقولها :ق.. قصدي يعني.. ان..انقذي تليفوني لما رن كان طوق نجاتي اخدته وقمت واستاذنت ارد.... طلعت البلكونه وقفلت الموبايل واتنفست بعد ما حسيت اني هتخنق.. دخلت بعدها بعشر دقايق وسمعت أميره بتقول :لا ياعُمر انا اسفه مش هينفع 
ساره :لي بس يا أميره ده الفيلم يجنن خلينا نروح نقضي وقت 
فهمت انهم بيتكلموا علي خروجه سينما قعدت بهدوء 
أميره :ايوه بس انتوا بتقولوا انه هيتعرض بكره من ٦ ل ٩
عُمر: ايوه

أميره :مهو للاسف مش هبقي هنا عشان مسافره 
عمتو :مسافره؟ فين
أميرة بهدوء بعد ما خدت قرارها :راجعه اسكندريه.. هستقر هناك انا وماما وهشتغل مع جوز خالتي 

أسر اتنفض بعصپيه  ورد بصوت عالي فزع الكل حتى أميره :ده عند أمك

اتنفضت علي صوته زي كل اللي موجودين وبدأ جسمي يتنفض من الخۏف.. منظره كان مرڠب حقيقي مش فكره انه متعصب أو أنه خضنا لا.. شكله كان غريب وعينه بدأت تحمر وجسمه كله مشدود وكأنه داخل خناقه... اتوترت وبدأت اتململ في قعدتي وبصراحه.. خايفه من ردة فعله اللي شكله كده هيتهور ومش هيعديها زي المره اللي فاتت..

أسر *
المره اللي فاتت متوقعتش انها ممكن تعملها وتمشي بعد ما رفضت بشكل قاطع.. قولت يمكن لما ارجع هلاقيها مستنياني وتفضل تحاول تقنعني زي العاده.. لكن خاب ظني وخابت تربيتي