حكاية سارة ومعتز
قالى طيب ممكن بعد اذنك تيجي معايا اصلحهولك او اجيبلك غيرو لاني مستعجل ومعنديش وقت بعد اذنك
قولتله تمام
طلعت برا المستشفى لقيته فتحلى باب عربية فخمه جدااا بشوفها ف الأفلام بس
عاملني بطريقة لطيفه بس ف نفس الوقت في عدم اهتمام
واحنا ف الطريق قالى
.. انتي كنتي بتعملى ايه ف المستشفى
.. فيكي الخير والله انتي عندك كام سنه
هو حضرتك هتتعرف عليا ولا ايه؟
... انتي ليه دماغك حادفة ش.مال ليه
انا بسألك سؤال عادي اى حد ممكن يسألهولك عمتا ياستي خلاص مش عاوز اعرف
.. انا عندي ٢٧ سنه
بصلى ب استغراب وضحك وقالى والله انتى شكلك مچڼۏڼھ انا اسف يعنى بس انتى حقيقي لطيفة
شكرا دا من زوقك
..العفو ع ايه
نزلني قدام محل موبايلات فخم جداا وتقريبا مش بيبيع غير آيفونات لقيته دخل قال لو سمحت عاوز ايفون ١٤ بروماك.س
استغربت جدا قولت اكيد مش ليا مش هيجيبلى موبايل بالسعر دا يعني
لقيته خده من الراجل واداهولى ف ايدي بصيتله بذهول وانا بحرك دماغي ب اعتراض ومش قادرة انطق
لسه كنت هتكلم قالى ..
.. بالله عليكي انا معنديش وقت اصلحلك موبايلك انا بعتذر لك عن اللى حصل مني وادي موبايل غير اللى اتكسر
بصيتله ب استغراب وقولتله
على فكرة انا مبشحتش منك انا بس ظروفي صعبه وممعاييش فلوس اصلحه انت بتتعامل معايا كدا ليه خد موبايلك انا مش شحاته
ورميتهوله ف ايده وستبه وخرجت برا المحل علشان اشوف ميكروباص او اي حاجه توصلني البيت
