حبيبي المحامى من الجزء السادس الى الجزء الحادى عشر
المحتويات
والدتك
بس انت مش حتسبيها احنا حنخدها تعيش معانا
اظن مافيش سبب ثاني كدا
نوجة لا فيه فيه أن انا وانت من عالمين مختلفين
والي حصل قبل شويه بثبت كدا
مهاب الي حصل قبل شوية يثبت حاجة وحدة بس
اني اخترت صح وانك الإنسانة الوحيدة الي بتمنى تكون مراتي .انت اذكى من فكرة الفرقات دي بلاش تحطيها حجة
ثم انت بتجاوبي على مسألة الجواز بس
نوجة ترفع حاجبيها مستغربة كلامه
مهاب ماتبصليش كدا طب وحياة امك يانوجة لو ما وافقتي .لكون رافع عليكي قضية وطالبك في بيت الطاعة
نوجة بيت الطاعة ايه انت اتهبلت يا مهاب مش لما نتجوز الاول
مهاب غامزا حنتجوز حنتجوز انشاء الله
بس سيبك من دا وسيبك كمان من كلمة اتهبلت الي عمرو ماحد اتجرأ وقالهالي
نوجة بضحكة رقيقة
طب يلا يا استاذ اتاخرت على امي بدل ما العسل يشر على دماغك
مهاب وهو يدير السيارة يلا يا رخمه اقلها عسل
تقولي يشر على دماغكالصبر من عندك يارب .
فتحت اسيل الباب فوجدت أمامها شيخ عجوز يبدو على مظهره الهيبة يرتدي جلباب وعباءة ومعه شاب وسيم يرتدي ملابس عاديه
تحدث الشيخ بعدما وجد أن الشاب اطال الصمت وهو ينظر لاسيل
الشيخ إحنا رايدين نجوان الزيات عيجولو ساكنة اهن
اسيل ايوى دا بيتها اتفضلو ثواني حديها خبر
اذخلتهم اسيل المنزل وذهبت تخبر نوجة
خرجت نوجة إليهم بعد مدة قصيرة
نوجة نعم انا نجوان الزيات حضراتكم مين
الشيخ ماعجوله يابتي ماخبراش احنا مين
الشيخ داانت الي من ريحة الغالي يابتي .اني جدك صالح الزيات ودا عماد واد عمك يونس الله يرحمه .احنا ادلينا اهنا بعد ما وصلنا خبر مۏت امك الله يرحمها
الباجيه فحياتك يا بتي
صالح بنورك يابت الغالي بس احنا ماجينش نجعدو ونضايفوحنا جاين ناخدوكي معنا ونعاود
نوجة تاخدوني معاكو فين
صالح وآه عالصعيد عابيت جدك وابوكي
نوجة بيت حضرتك ايوى لكن بيت ابويا ماضنش لوكان بيتو ماكنتش طردتو هو وعلتو منو
عماد اتحدثي زين مع جدك
صالح سيبها يا عماد تجول الي هي ريداه
قصر الكلام ا دا بيت ابويا وماليش بيت غيرو ومش حروح في حة غيرو
عماد واه عتجعدي لوحديكي اياك.
صالح أني سبتك انت وامك في حالكم لاني خابر زين أن فدوة ما جدراش تاجي تسكن حدانا بعد الي حصل
بس انت غير يابتي انت لحمنا ومافيش حد عيرمي لحمو
نوجة وأنت فاكراني اقدر اعيش في البيت الي انطرد منو ابويا وأمي علشان رفضو يسيبو بعض
صالح اني ماكنتش رايد احمد يسبب فدوة انا كنت رايد اشوف خلف ولدي وطمن عليه.
نوجة وأنت مين علشان تتقرر حاجة في حياتهم تجبرهم عليها.
عماد اني جولت اتحدثي زين عاد
نوجة انا مش حروح في حته
عماد مش بكيفك يابت عمي مافيش بت من بنات الزيات تجعد لوحديها في شجة دا شرف العيلة
واحنا ماعنلعبش في الحكاية دي
نوجة وانامالي بعيليتكو. انا مش حروح مع حد
عماد وإني جولت مش بكيفك حتاجي معانا يعني حتاجي معانا .
لا ....جاءهم صوت مهاب من الخلف والټفتو إليه جميعا
مهاب مراتي مش حتروح مع حد
نظر الي الجميع پصدمة واولهم نوجة
صالح مرتك مرتك كيف
مهاب ايوى مراتي ولومش مصدقين العقد اهو
ثم أخرج ورقة عقد وقدمها لهم
عماد متجوز عرفي يابت عمي
مهاب مش عرفي العقد موتق ومتسجل مدني
وكانا حنكتب الكتاب لولا الظروف
صالح بس بنات الزيات معيتجوزوش أكد واصل
من غير اصول من غير عيلة
مهاب والله. انا الي اعرفو أن نوجة طول عايشة مع امها لوحدهم
وانا كلمت الست فدوة الله يرحمها وطلبت نوجة منها وهي وافقت وكمان قرينا الفاتحة
على كل احنا فيها حنكتب الكتاب عند الشيخ وحضرتكم تنورونا وكل العيلة على راسنا من فوق
صالح مش هي دي إلاصول يا ولدي وانت باين عليك ولد ناس وتفهم في الأصول
مهاب طب. انا حاضر الي تامر بيه الأصول حعملو.
بس ماحدش يقرب لمراتي
صالح يبجا تاجو عندينا الصعيد .نكتبو الكتاب اهناك
مهاب انا عن نفسي ماعنديش مانع بس أمر الرجوع لصعيد دا يخص نوجة وحدها وهي الي تقررو
الټفتو الى نوجة فوجدوها صامتة كأنها في عالم اخر
علم مهاب انها تحت تأثير الصدمة فتدارك الأمر وقال
بس انا من رايي ماتستعجلوهاش و تدوها فرصة تفكر ترد عليك
صالح طب حنا عنجعدو يومين كدا وعنرجعو نشوفو الحكاية رسيت كيف
بس ما جولتليش يا ولدي اسمك ايه وعليلتك مين
مهاب. اسمي مهاب مجدي سراج الدين ووالدي كان
صديق الاستاذ احمد الله يرحمه
صالح ايوى ايوى افتكرت دا حتى احمد اشتغل معاه لما نزل مصر
خيرة الناس ياولدي .اني جيت اهن وكان في رأسي
موال ثاني بس يشهد ربي جلبي ارتحلك
وحاسس أن
متابعة القراءة
